تعلم النذاله بطرق مبتكره ههههههههه

[صمت المشاعر]

حبيت اعطيكم اسرع طريقة في النذالة بكل سهوله وبسرعه


علشان تصير نذل اتبع الخطوات التاليه:

1-اذا كان هناك عزيمة يعني عشا.....بعد ماتغسل افتح الماي على الحار الين تشوفه صار حار وسكر المغسلة وشوف الي بعدك شيصير بحاله
بس اضحك من قلللللللللللب


*********************


2-اذا ياك واحد ماتبيه وسويت له شاي.....لا تصب له بكاس بو عروه عليك بكاسات
الجبن وصب له فيها للأخر علشان مايقدر يمسك الكاسه
هههههههههههههههههههههه


*******************


3-واذا كان عندك ضيف دمه ثقيل وتبيه يمشي خل واحد من الشباب يدق عليك كل
شويه وكل مره كلمه على انه واحد ثاني وقول " لالا والله ماقدر الحين عندي ضيف يمكن بعد عشر دقايق "
ولا تنسى شي مهم لاتلبس ساعة عشان كل شويه تسأله كم الساعة
ولما يكلمك لاترد عليه على طول من أول مره سو نفسك ما سمعته ..


********************


4-واذا اتصل فيك واحد دمه ثقيل وهذره رد باختصارات الحمدلله ايه لا مادري يمكن
الظاهر احاول واذا طوّل اوهمه انك تكلم واحد جمبك اذا شفته بعده يهذر
وإذا مو ناوي يخلص استخدم حيلة الخط المقطوع وقول " ألو ألووووووووو وينك
ألوووووووووووو يابو الشباب........ الظاهر ان الخط انقطع " بعدين سكر السماعة ... بس وتفتك منه
الا اذا اتصل ثانيه ساعتها عاد الباقي عليك


*********************


5-واذا بغيت تجنن الخدامه ادخل المطبخ واشرب نص كاس عصير وكنك مو متعمد
صب الباقي عالارض واذا كان المطبخ مفروش يكون احسن
واذا نامت وهي بعز النوم قعدها
وقولها تسويلك عشا
ساعتها بيكون الضغط عندها ألف

بس الخوف انها تحط لك سم فيران ...!!!!!!!


**********************


6-واذا حبيت ترفع ضغط اهلك الحريم لما يطلبون منك توديهم السوق بعد
ما يجهزون ..ويطلعون اركب السيارة وخليك ! طبيعي وفجأه قولهم أففففففف السيارة
موراضيه تشتغل ..طبعاً انت ماخذ احتياطك وفاصل صبع البطارية
و شوف شبيسوون فيك ساعتها ..

والطريقه الثانيه عشان يحرمون يطلبون منك توديهم السوق ....
لاتشغل مكيف السياره بس التهويه ( المراوح )
وقولهم التكييف خربان خلهم ينطبخون واذا قالوا نبى نفتح الدرايش
قولهم خربانين واذا فتحتوهم ما راح يتسكرون بعدين





*********************


7-اذا في احد رافعلك ضغطك وودك تسوى فيه مقلب
عليك بهالحركه:
اخذلك ولاعه وسخن اييد الباب بعدين تعال وقول له : افتح الباب الله لايهينك
بس انتبه على نفسك لاتطب ساكت من الضحك


**********************
اتمنى تعجبكم
ودي اسوي مقلب بالمفحطه
ياما اكنا مقالب منها نبي لو مقلب واحد هههههههه
تحياتي
صميتان