برنامج (( إضحك مع صدى المدارس ))>>لا يفوتكم

[رموش الغزل]

[frame="3 98"]
فاكرين قصة ( الضحية ) المهم بمناسبة هذا القصة وردودكم الحلوه وخصوصاً رنيم اتحمست أني أكتب لكم قصص أخرى من خلال برنامج بعنوان ( إضحك مع صدى المدارس ) كل أسبوع ...حتى تستمتعوا بالحكايات أو القصص وتشوفوا حكايات مختلف من طالبات أو جامعيات الكل منا يمر بمواقف ومغامرات من خلال حياته فمن خلال هذا البرنامج سوف نتسمتع بمواقف مرت بها بعض الطالبات .....

اتمنى للجميع متابعة شيقة :-



1 ....... 2..........3.......... ( أكشن ) >> سوف نبدأ رحلتنا يوووه قصدي برنامجنا لهذا اليوم ...
>> عيدي من جديد >> طيب أمري لله >> وي ترى آسفين لا يغوركم هذا نحن وراء الكواليس ..
يا الله >> 1 .... 2 .... 3 ..... ( أكشن ) ...



يا عمي .. يا أبوا الشباب ... يا سكر نبات >> استنه شكلو في مشكله >> اشبوا كده الميكرفون ما يشتغل ...
>>> يوووه منك طيب دحين نعدله >> يا ربي على الزعل اللي ما له داعي طيب عدله عشان ابدا البرنامج ترى الناس قاعده تستنه كل بعد شويه نقولهم بريك >> يوووه انا شكلي اليوم راح اتجنن اصبري شويه باقي لنا خمس دقائق ونبدأ >>


هييهيه ترى لا تحطوا في بالكم هذا المخرج دائماً كده المهم دحين راح نعطي كابتشينوا مع شويه سكر حيصحصح كده معانا 10 على 10 >> ايش تقولي >> هااا لا ولا شيء سلامتك >> احسب يا الله نبدأ ...
1..... 2.......... 3........ ( اكشن ) ...
بسم الله الرحمن الرحيم ...
السلام عليكم ورحمة الله وبركاته ..أحب أمسي عليكم مستمعينا بكل الحب والود مع برنامجكم ( إضحك مع صدى المدارس ) ...
خلف أسوار المدرسة .. مغامرات وحكايات ومواقف طريفة ومضحكة مشاغبات تعانقها ابتسامات بعيداً عن دفتر العلامات ,ووعيد المراقبات >> كيف يعني هذا الكلام ؟!! > طبعاً من خلال حكايتنا راح تعرفوا >> مفأجاة ما راح اقولكم دحين ..

اصطفاف تعني ماذا برأيكم ؟؟؟ برأيي تعني توحد .. محاذاة بين الأكتاف .. والأقدام .. وتباين في المشاعر .. تحفز ونشاط يرتسم على بعض العيون , وبعضها ساهم ...نظرات تحدَّ وجدية , وبقايا تثاؤب لم ينفضها المشوار حتى المدرسة ..
إحداهن تعيد ترتيب ضفيرتها التي انساقت مع الهواء وربما نسيت أن تعيد يدها إلى مكانها حينما ألقت إليها المديرة بنصف نظرة ...
مواقف مشابهة ومتباينة وطابور ما زال يقفز إلى أذهاننا كل صباح , فنطبع ذكرياتنا بابتسامة ... ولا تنسى إحدانا كفها معلقة ... فلم تعد المديرة هناك ...
وراح نبدأ بموقف مع الصديقة لينا طبعا هي جات عندنا البرنامج بعد ما نسمع الموقف راح نأخذ وجهة نظرها في الموضوع >> أوكي يا أخت لينا >>كل شيء ماشي مع برنامجك العسل >> تسلمي يا قلبي .....
تقول صديقتنا لينه :- في الصف الثاني المتوسط كانت هناك قوانين صارمة في مدرستنا فيما يتعلق بالزي ( ليس في مدرسة صديقتك بل في كل المدارس !! ) فقد كان أحد أيام الشتاء الباردة وارتدت صديقتنا لينه إحدى البلايز الصوفية ذات التطريز البسيط من خيوط ( السيرما ) وهي الخيوط المعدنية اللامعة ....
فكانت من قوانين المدرسة العظيمة >> حزرو شويه معانا إيش هي القوانين ...
تعالوا نشوف إيش هي هادي القوانين ...
طبعاً من قوانينها عدم لبس أي ملابس لافتة للنظر مما تحوي الخرز والترتر وغيره ,فلم تضع في بالها أن هذه الخيوط تدخل في قائمة المحظورات >> ليه كده يا لينه بجد حزنت عليك >> ههههه تسمليلي بس أنا كنت ابغى اقول حاجة لو ما عندك مانع >> عادي اتفضلي تيت >> دحين أنا يومتها كان مخي مشوش عشان الاختبارات النصفية وكان المشكله الكبرى زي ما قلتي اني ما حطيت في بالي حتى هذي الخيوط ممنوعة فعشان كده اكلت على رأسي هههه >> يا يناسوا على الحلوين اللي أكلوا على رأسهم >> تسلمي عيونك الحلوين ....
المهم نكمل ... بعد كده راحت في المدرسة وبكل فخر ومتشوقة للاختبارات زي ما تقول >>> لينه :هههه شفتي كيف مع الحمااس ...
ههههه وكان وقت الطابور الصباحي , وبدأت المراقبة بمهمتها اليومية وهي التفتيش على المخالفات لأنظمة المدرسة , فكانت صديقتنا لينه إحدى الضحايا و طبعا هي ما تعرف السبب >> لينه : طبعا أنا كنت زي الاطرش في الزفه خخخخ
رموش :طيب ماعليه ابغى اسألك سؤال بسيط نفسي أعرف كيف كان شعورك يا حبيبتي لينه في الموقف هذا ؟
لينه : طبعا شعور لا يوصف لآنه موقف محرج بجد و الاصعب من كده على الانسان لمن يوقفوه في التفتيش وهو مو عارف ايش مسوي كأني كنت واقفاه عند الحرس الوطني تصدقي رموش جات في بالي ألف فكر وفكرة بس ما جاء على بالي حكاية الخيوط هادي ..
رموش : طبعاً اكيد ما دام بالك مشوش والأختبارات ..
نرجع نكمل .... فماذا كان العقاب يا ترى ؟..
عشان نشوقكم أكثر ويكون فيه شوية أثاره تابعونا من بعد البريك كرماً لا أمر ابقوا معنا .....

هذا البرنامج برعاية ..
دعاية زين ...

هذا الفيديو يعرض الآن من خلال منتديات حجازي

دعاية البيك ...

هذا الفيديو يعرض الآن من خلال منتديات حجازي

دعاية علكة منطاد

هذا الفيديو يعرض الآن من خلال منتديات حجازي

دعاية IMC & Sami Yusuf, Healing - 30 Sec ad Arabic

هذا الفيديو يعرض الآن من خلال منتديات حجازي

يا مخرجنا فين رحت شربت الكابتشينوا >> ايوا يا سلااام من جابوا بالمره لذيذ >> أنا بشويش >> موقلت لكم أنو راح يروق >>> تسلمي رموش >> هااا بالعافية عليك >> الله يعافيكي ...
لينه تبغى اسنكرز تعرف طوا ل البرنامج وانا افكر آكلها تخيل دسيتها في جيبي حتى اكلها في البريك >> كولي انتي انا بعدين اكول عوافي >> الله يعافيكي يا قلبوا
اممممم لذيذ ....
المخرج يا الله رموش اتجهزي ما في وقت شويه ويخلص خمس دقائق >> طيب يا عمي
المصور :- رموش لا تتحرك كثير عشاان تربكيني وانا بصور >> وي قال اربكه طيب نحن ليش جبناك مصور ..
هدوء 1.....2......3.....(ابدأ ) ..
رجعنالكم من جديد مشاهدين ومستمعينا على موجة MIX – fm وقناتكم المفضله حجازي
هااا ايش جاء على بالكم العقوبه ؟؟

شكلنا اتأخرنا عليكم كتيررر
انا راح اقولكم >> لينه : ههههه >> لينه ليش تضحكي >> لا افتكرت العقوبه >> اهااا
طبعا العقوبه أمرتها المراقبة أمام جميع الطالبات أن تخلع البلوزه وتلبسها بالمقلوب ..!! >> حاجه عجيبة صح مستمعينا
>>> لينه :ههههه اتحدا إذا سمعوكي دحين من الضحك إذا انا قاعده اضحك عن نفسي ...
لا لا كده ما ينفع لو سمعتوا الباقي ايش راح تسوا اسمعوا المصيبة الأعظم هي وجود ( الكتافات ) الأسفنجية داخل البلوزه والتي كانت من عادة صديقتنا لينه تخلعها لكنها نسيتها هذه المره >> لينه : شفتي كيف الحظ هذه المره ..
فما كان منها غلا الرضوخ للأوامر حتى نهاية الدوام وهي بالكتافات ..
رموش : طيب ليش الين نهاية الدوام مو يكفي بس الصباح ؟
لينه : لا ما يكفي طبعا هذي اوامر المدرسة العظيمة بس عشان تعرفوا اني غلبانها اهى اهى
رموش : يا حبيبتي لا تكبي موقف وعدة كنت ابغى اسالك عن الاختبار اهم شيء جاوبتي ؟
لينه : هههههه بامزح معاكي رموش, اكيد جاوبت انا لينه قدها وقدود ..
رموش : تسلمي لنا كلنا الموجودين في البرنامج من المخرج إلى نهاية طاقم الفريق , يا سلاام .. يا سلام اموت انا على المجتهدة .
رموش : نبغى نسمع وجهة نظرك في الموقف ؟ وايش اللي استفدتي من المواقف مع انه مجرد موقف مر في حياتك قبل ما ننهى حلقتنا لهذا اليوم ؟
لينه : اول شيء كنت ابغى اقوله بجد يسلمو على اسضافتكم للبرنامج وهذا شرف ليه واشكر جميع القائمين عليه ...
وحبيت أقوالكم شعوري وانا اتجول بالبلوزه المقلوبه كان شعوري مثل كائن فضائي واتذكر قالت لي احدى الصديقات ( المصرقعات ) يبدو كأن على كتفيك أطباق حساء لذيذة تتجولين بها في المدرسة طبعا هذا كلو ما يعنيني لانه كلام تافه
والله وجهة نظري انو صح الانسان ينحط بمواقف مرات ما يتمنى تحصله بس لو ما كان للانسان مواقف اصلا ما كان قعدت في باله اشياء جميله من الماضي بمعنى ( الذكريات ) وما كان الانسان اتعلم من حياته شيء بالعكس انا سعيدة لاني قاعده في هذا المكان ولقول موقفي بكل صراحة ... امممم اللي استفدتوا من الموقف أني اكون حريصه اكثر من أول واني ما استهين بقوانين المدرسة مع انو لازم يكون عندنا شوية اكشن وبس هو هذا الشيء الاهم اللي هو اني اكون حريصه وحذر في كل تعاملي وانا مبسوطة من هذاك اليوم لاني فعلا اتعلمت شيء في حياتي ماراح انسى وراح يضل في ذكرتي طوال السنين ...
رموش : تسلمي كل من ذوقك النايس كنا نتمنى انو الوقت يكون اطوال من كده بس نتمنى تواصلينا عبر ايميل البرنامج
ونشوفك يمكن ما تدري في موقف ثاني .. وبصراحة نحن كماان استمتعنا بيكي ويا رب تكون الابتسامة هذي على طول وما تفارقك وتضل متواصله معانا .....
لينه : تسلموا جميعا وهذا من طيب اصلك وان شاء الله اكون متواصله معاكم دائما .
مشاهدينا ومستمعينا نتمنى انتم كمان تواصلونا على الايميل و المنتدى و نبغى نشوف ردودكم بفارغ الصبر وأراكم بالتحديد عن حلقة اليوم ...
تقبلوا تحياتي وتحيات طاقم القروب .. وانتظرونا في حلقة جديد في كل اسبوع وبنفس الموعد من برنامجكم ( إضحك مع صدى المدارس ) ..
وتصبحوا على ألف خير>> ونوم العوافي يا رب ..



كنتم مع محدثتكم :- رموش الغزل ..
من تقديمي ( اتمنى أن ينال إعجابكم ) >>> إذا نال أعجابكم لا نتسوا التقييم ماشي >> عليكي شحته >> أنت إيش دخلك دحين >>وربي آسفين خلاص >> ايوا كده أدب... >> هيييهيه حلوة بس لا تعيديها
[/frame]

 

[رموش الغزل]

( أنا بإنتظار الردود ).....

[رموش الغزل]

ترى ضروري تردو عشان أعرف رأيكم >>> بليز ....

[دفأ شوقي]

يا سلام والله انك خطيررره بصراحة برنامج رائع رأيي مرررا البرنامج نايس وراح ننبسط بالحكاوي والالقاءات .

واحلى شيء الكواليس والاعلانات وفكرتك مررا عبقريه للموضوع واصلي وربي معاكي واتذكر اننا دائما جنبك يا حبيبتي

انا مستغربه ليش ما حد رد عليكي الموضوع بصراحة مررا رائع ومتعوب عليه اهننك

وأحلى تقييم لعيونك الحلوين يا عسوله

دفأ شوقي