أنــــــــــــــــا أحبك أيه احــــــــــــــبك وشوف قلبي وأسأله

[أكثر من أول أحبك]

أنــــــــــــــــا أحبك أيه احــــــــــــــبك وشوف قلبي وأسأله

بأعترف لك اعتراف وبصمتي تشهد علــــيــه
اعتراف يحكي حقيقه ولايكــون الــــرد لـيــه
انا احبك ايه احبك وشوف قلــبي واســــألـــه
وفوق حبي لك مشاعر تنطق بــشـوق الوجيه
كل ماشفتك حبيبي قال قلـــــبــي ايه ابيــــــه
هذا هو اللي احبه واعشقه واموت فــــيـــــه
هذا هو اللي هزمني وخلا اشواقي تجــــيــه
هذا هو اللي هويته ليتني لاأشتقت اجيـــــــه
بأعترف وهذا اعترافي أن قلبي لك واااافــي
وانك أغلى من يكون وان حبي لك كافـــــي
وان شوفك للجرووح طبها اللي كان شافـي
يابعد غايب وحاظر ياسبب ابداع قافـــــــي
انت يابسمة شفاتي حبي اللي جاك صافــي
صرت صوره في عيوني انطرك لو كنت غافي
نوري الضاوي اشوفه فيك يوم النور طافي
وعشقي اللي ماحكيته جاك وآضح وجاك خافي
بردي لاحرك غصوني في حماك يصير دافي
لا زااااد السراب ينتعش لا جيت لاااافي
كيف اعبر كيف اقول وانت حلي والحلول
كل كلمه قلتها ماتجي ربع الميووول
لأني احمل لك غرااام يبهر اصناف العقول
مايترجم بالكلام ولا يترجم بالشمول
يكسي الصحراء ورود والزهر يغزي الفصول
حب ماهو حب عادي ولا هو مجرد فضول
حب عمره مايموت بألأمل عمره يطول
حب يملك حس صادق عيبه انه بس خجول
ماقدر يظهر حنينه ولا قدر يخفي ونينه
عنده اشعار واماني وصارت اشواقه سجينه
ان حكى تصمت حروفه وانسكت يحكي انينه
عنده اسرار وموده باقي لأخر سنينه
وعنده لحب معنى يعتلي قمة جبينه
كيف اعبر عن مداك وكيف اوضح لك غلاك
قلي ارجوك بعباره فيها آصل لمستواك
كلمه قبلي ماحكوها لك ماهي لسواااك
تشفي لا جتك المواجع وتصبح النور لسماااك
ودي ابعثها بليل ولا تنام الا معاك
او تجي وقت النهار وتصبح الضيف لمساك
او تنطقها شفاهي ولجروووحك هي دواك
كلمه قبلي ماحكوها لك ماهي لسواااك
انا احبك ايه احبك وتعال خذني معاااك