| | |
 | | |  |
| اعزائي : زوار منتديات الحجاز يجب عليك استخدام متصفح قوقل كروم للتحميله من هنا لتصفح الموقع بشكل افضل بخصوص المشرفين وطلب الاشراف و الاعفاء من الاشراف هنا اي مشاكل تقنية في المنتدي تواصل معنا من هنا نريد اعادة منتديات الحجاز للافضل و الاجمل إن شاء الله بكم  |
| ||||||
| التسجيل | المدونات | التعليمـــات | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
| الزقـــاق لزرع الإبتسامة والترفيه ..فهنا مرح وهناك لعب وهنا ابتسامة ...تملأ الدنيا فرح |
 |
| | LinkBack | أدوات الموضوع | انواع عرض الموضوع |
06-24-2010, 03:03 PM
| #1 |
| صَمت ٌ,,اجباري  تاريخ التسجيل: Apr 2007 الدولة: %مدينه الورد% العمر: 26
المشاركات: 7,361
معدل تقييم المستوى: 19   |  قبل المغربية مع خالة خيرية المكاويه قبل المغربية مع خالة خيرية تزهم وتنادي إنتي فين يابدرية بدرية في السطوح مع علوية يفرشو الطراريح ويخشخشوا الناموسية يالله يابنت إنتي وهيا بسرعة شوية حاضر يا أمي دقايق ونخلص من القضية واد يا أسعد فين أخوانك البقية في الزقاق بيلعبوا عسكر وحرامية أزهم عليهم يطلعو لا تجيهم الجنية صلي عالنبي ياأمي دي ساعة مغربية صدقة يا عباااااااااس أطلعو بلا أزية طيب طالعين خلاص مع ستي مهدية مهدية لخيرية أولادك هدول فرفوشية زفوني في الدرج يقولولي ياستنا ياعسلية عباس مجروح في رجلو بقزازة مرمية وصدقة ببجامة مقلمة وصخة زي الميكانيكية خيرية .. إيش هادا حسبي الله عليكم شقاوية مهدية ...لا تضربيهم عشاني وإنتي رضية حاضر ياأمي عشانك بس المرة دية يالله قدامي إنت وهو أتروشوا من الحنفية وإنتي يا أمي أجلسي جمب المصلية عشان إذا أدن تصلي المغربية وإنتو يابنات يالله تعالو نسوي المقلية ونزبط زلطة الحومر والفلفلية بعد المغربية ، ياولد ياساتر طريق ياخيرية أتفضل يبو اسعد مافي غير عمتك مهدية كيفك ياعمة نورتي البيت ياعودة وعنبرية تعيش ياجوز بنتي كلك ذوق ومفهومية هيا سموا بالرحمن ونقنقو من المقلية ونونو نونو لقمة هنية تكفي مية أسعد يوشوش أبوه يبغى هدية ماشاء الله نجح وأتخرج من الثانوية أبشر ياولدي بس تجي فلوس الإكرامية ولايهمك يبويا مافي مشكلة حصبر شوية ياواد عباس إيشبها كدا رجلك ملوية دخلت فيها قزازة يبويا من العصرية تاني مرة فتح عينك لا أخرملك هيه ولا اشوفكم تلعبو حفايا ترى تاكلكم التكرونية بدرية .. يبويا فين حتودينا هادي الصيفية والله يابنتي كالعادة الطايف حي البخارية الله يسعدك يبويا نبغى أبها البهية يابنتي أبها بعيدة مرررررة وسفرية خلاص اللي تشوفو يا أغلى أب في الدنيا ديه بنت ياعلوية ناوليني الكمر حقي والسديرية أنا خارج دحين ياخيرية رايح الشامية أودي صك الوقف حق بيت السليمانية خلي الأولاد يسبقوني للحرم تحت المكبرية عشان نصلي العشا ونكسب الفرض سوية بعد العشا وفي السطوح عند المشربية خيرية تفت العيش في الحليب وبدرية مسلقحة متحنية هاتي ياعلوية الجبنة البلدي والحلاوة الطحينية وكمان كم بيضة نسوي شكشوكة في الصينية لمة حلوة وظريفة وعيلة عفوية أتعشو وعليهم بالخير يدوروا عالناموسية عشان يصحو بدري مع أدان الفجرية لاسهر لاكسل يومهم كله نشاط وحيوية فينك يا ايام زمان تشوفي حالنا والفوضجية مانعرف راصنا من رجلنا وحياتنا سارت ملوخية
الموضوع الأصلي : قبل المغربية مع خالة خيرية المكاويه
-||-
المصدر : منتديات حجازي
-||-
الكاتب : مدينيه ياعيني
__________________  |
|      |
|
06-24-2010, 03:09 PM
| #2 |
| أبو عبودي ..  تاريخ التسجيل: Jun 2010 الدولة: و أخيرا .. عدنا للمدينه !!
المشاركات: 1,147
معدل تقييم المستوى: 7  | حلوه الهرجه المكاوبه ,, وبالذات بلسان ست كبيره .. زي خيريه ! ! اضحك الله سنّك .. مثلما اضحكتني .. !
__________________  |
|
| |
|
06-24-2010, 03:26 PM
| #3 |
| نقـــــآء  تاريخ التسجيل: Mar 2007 الدولة: ღ فٍيً َقِلبُ شُآعُرٍ ღ
المشاركات: 4,582
معدل تقييم المستوى: 17 | هههههههه اموت اعرف مين دا اللي بيكتب الهرج هذا مرررررة يحنو لايامهم لا اشوفكم تلعبو حفايا ترى تاكلكم التكرونية عوووووووو حلوة ^^
__________________ |
|
| |
|
06-25-2010, 03:40 PM
| #4 |
| حجازي نشيط  تاريخ التسجيل: Jun 2010 الدولة: جدة
المشاركات: 51
معدل تقييم المستوى: 2 | شكررررررررررررررررررررررر اشكرررررررررررررررررررررر راشكررررررررررررررررررررر ررا |
|
| |
|
06-25-2010, 06:04 PM
| #5 |
| صَمت ٌ,,اجباري تاريخ التسجيل: Apr 2007 الدولة: %مدينه الورد% العمر: 26
المشاركات: 7,361
معدل تقييم المستوى: 19 | بقايا انسان اسعدني تواجدك ربي يسعدك ملووووحه امشي يابت في احلى من دا الهرج وربي يجنن احنا لين دحين يتكلمو كدا الصدر الحاني ربي يسعدك العفووو
__________________ |
|
| |
|
06-25-2010, 10:45 PM
| #6 |
| :: قلم المنتدى ::  تاريخ التسجيل: May 2009 الدولة: بين قلمي ومحبرتي
المشاركات: 1,658
مقالات المدونة: 4
معدل تقييم المستوى: 9 | [align=center][table1="width:95%;background-color:#ff6699;"][cell="filter:;"] ههههههههههههههههههههههه والله مرا حلوه ذكرتيني بايام ستي الله يرحمها ولمن كانت تجينا في كل عصريه المشكله كانت العلقه تجي منها مو من امي الله يرحمها من شقاوتنا الي تهد بلد والله ايام مرا كانت حلوه الله يرحمهم ويغفرلهم يسعدك ربي حبيبتي على اختيارك الحلو داا [/align][/cell][/table1]
__________________ [align=center][table1="width:95%;background-color:#ff6699;"][cell="filter:;"]  [/cell][/table1][/align] |
|
| |
|
06-26-2010, 07:53 AM
| #7 |
| صَمت ٌ,,اجباري تاريخ التسجيل: Apr 2007 الدولة: %مدينه الورد% العمر: 26
المشاركات: 7,361
معدل تقييم المستوى: 19 | الله يسعدك والله يرحم موتانا موتى المسلمين
__________________ |
|
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| حالة فوضى أثارتها 13 طالبة جامعية [الطائف] | سنعوس | News الحدث | 7 | 02-12-2010 07:38 PM |
,,
العرض العادي
