أستأذنك بســآفر

[مسك]

أستأذنك بسافر أيام وأجيك
وإن طالت أيام السفر لا تحاتي
حتى ولو طالت ماني مخليك
يالي بدونك ويش تسوا حياتي
تامر على حاجه؟؟باودعك واليك
عسى عوض الايام في المقبلات
حتى يدي ما ودها تفارق يديك
ساكت وأنا اشوف البلا في سكاتي
ماشفتني لا رحت منك التفت فيك
بلاي والله روحتي والتفاتي
لكن قبل ما أروح ودي أوصيك
وأنت الوحيد اللي يقدر وصاتي
لاحدِ سألك وقال لك وين مغليك
قل له لوازم لا قضاها بياتي
وأن طروا النسيان ماني بناسيك
طيفك معي حتى وأنا في صلاتي
قلبي وهو قلبي إذا مر طاريك
لو لا ضلوعي كان عزوا مماتي
لو حض صدري كان يمديه ياتيك
ويبات عندك ويهنا بالمباتي
أنا \\ وقلبي....والغلا...ساكن فيك.
وانته وقلبك والغلا وسط ذاتي
غلاك مثل الحكم عند المماليك
أكبر طموحي....لا....كل أمنياتي
شف في غيابي أي حاجه تسليك
لأني بعدك أسلي مع ذكرياتي
أحاول أذكر أي شئ يطريك
وأقول هو سوى وأنا ذي سواتي
كنني موادع كل شئ حواليك
وكنني حسبت حساب حزة وفاتي
أحسب لأني ما أقدر أنساك وأبيك
ولا أقدر أخليك ياللي تحاتي
معنى أحب ...وما أقدر أنسى...وأخليك
يعني بدونك ويش تسوا حياتي
\\

صمت مسموع

سي يو

:)

 

[صمت المشاعر]

كلمات في قمة الروعه

يعطيك الف الف عافيه

تقبل مروري