Oooخطاي إني وفيــت وأنت للجفا عنــوانooO

[صمت المشاعر]

بسم الله الرحمن الرحيم
السلام عليكم ورحمة الله وبركاته
هذي قصة سعودية رووووووووووعة

وباقي منها جزيئين وتخلص من الكتابة
وحبيت انقلها لكم لانها رووووعة


وللامانة كاتبات القصة ثلاث بنات(( 3 حلوات))

وراح ابدأبالشخصيات

][][§¤°^°¤§][][الفصل الاول][][§¤°^°¤§][][

عائلة ناصر:
الوليد32سنة,متزوج عنده ولد أسمه ناصر,ويشتغل مع وأبوه
خالد26سنةمتخرج من جامعة البترول,يشتغل مع أبوه
)جذااب-ملامحة رجولية-جسمة رياضي-عنيــد(
مشاري 24 سنة يدرس بأمريكا عنده كل شيAvry
فيصل 22سنة (وسيم بالحيل-صايع بقوه-عايش يومة-مهتم بشكلةولياقتة(
يدرس بالامارات بالجامعة الامريكية
شوق أخر العنقوود 20 سنة أحلى مافي البيت بنت(جميلة-*تقول للقمر روح وأنااجلس مكانك*-نعومة-عيونهاناعسةولونهاعسلي_شعر� �اأسودفاحم طوويل
طويلة-جسمهاريان=لاهي سمينة ولاهي نحيفة يعني وسط-جمالهاأحلى من الوصف)تدرس بجامعة الملك فيصل قسم محاسبة
حصة=أم الوليد<<<بالحيل طيبة
ناصر=أبوالوليد<<<بحالة وهمة شغلة وعيالة
عائلة محمد:
عبداللة30سنة متزوج عندولدأسمه محمد وبنت أسمهارهف
)جميل-أبيض-لة عوارض-عيونة وساع يلبس نظارة-متفهم(
بندر25سنة دارس ببريطانيا(حنطي البشرة-طويل-عريض المنكبين-وسيم-عيونة سود-وخشمة سلة سيف-ومسوي سكسوكة(البنات هم يلحقونة
سعود22سنة وسيم مرة (يذبح)عيونةناعسة-يحب السيارات وهوايتةالسرعة الجنونية-يدرس بجامعةالبترول على أنة داج وراعية حركات ولحق ورى البنات الاأنة مهتم بدراستة(
ندى20سنة (مغرورة-حلوة-شايفة نفسها-نظرتها حادة)تدرس بجامعة الملك فيصل قسم تسويق
نور17سنةثالث ثانوي قسم علمي ناعمة مرة-طيبة-هادية-عكس ندى
فهد16سنةثاني ثانوي قسم تجارةوسيم طالع على اخوانة مرح وربشة مره وهوفاكهة ونكتت البيت
مريم=أم عبداللة(صارمة شوي مع أعيالها(
محمد=أبوعبداللة(إنسان طيب(
عائلة طلال
نايف25سنة دارس ببريطانياصديق بندر الروح بالروح
)وسيم مثل بندركل الي يشوفهم يحسبهم أخوان طيب بس عنيد(
غلا20سنة(بنت حلوة-ناعمة-شعرهالين كتفهالونة بوني مخصل بأشقر
مليانة-طويلة-كل الي يشوف جسمها ينهبل علية-لون عيونها أسود)تدرس بجامعة الملك فيصل ثالث سنة قسم محاسبة صديقة شوق الروح بالروح
شهد18سنةأولى جامعة قسم نظم (شعرها بني ناعم-قاصتةBooy-تلبس نظارات-طولهامتوسط-دلوعةمره-رجة-تعشق النت(
نواف6سنوات أخرالعنقودسكرمعقوددلووع البيت
طلال=أبونايف كل شي عندهAvryوعيالة أكبرهمة بالدنيا
منيرة=أم نايف طيبة طلباتها عيالها تعتبرهاأوامر

--------------------------------------

 

[صمت المشاعر]

][][§¤°^°¤§][][الفصل الثاني][][§¤°^°¤§][][


اليوم الثاني الساعة 7الصبح
غلا نازلة من الدرج وشافت أمها وأبوها وأخوهانايف بالصالة
غلا:صباح الخيرعالحلوين
وتبوس راس أمهاوأبوها وباست خدأخوهانايف
نايف:هلاواللة بالغلا كلة صباح النور
الأم:غلوي يمة فطري؟
غلا:لايمة مالي خلق بفطربالجامعة
غلا تصارخ:ياللة شهد..تأخرنا
شهدمن فووق:انزين غلا هذاني نازلة ماطارت الدنيا
شهدنازلة من الدرج صباح العسل والفل والياسمين والجوري
لأحلى أهل
الكل:هــــلاواللة بشهد
غلا:تدق على شووق....
شوق:هلاواللة...
غلا:أهلين حياتي وينك؟
شوق:بالطريق 5دقايق وأنا عندكم
غلا:أوكية بــاي
بعدخمس دقايق
شوق تدق على غلا:أنا عند الباب غلا
راحت غلا وشهد وركبوا السيارة
غلا:السلام عليكم
شوق:وعليكم السلام
شهد:اللــــــة حلوووه هالأغنية!(تعبت من الولة والشوق...تعبت وطول الهجران(
شوق:شكل الأخت تحب
غلا:هاذي وجة حب
طوووول الطريق ضحك وسوالف إلى ماوصلوا الجامعة
)في شركة محمد وأولاده(
محمد=أبوعبداللة
وجهة شاحب وواضح علية التعب:بشر ولدي بندر من رست علية المناقصة
بندروهومعصب:يعني من غيرة الي ياخذ المناقصات منة طبعاًرست على أبوالوليد(شركة ناصر وأولاده(
أبوعبداللة:الدنياأرزاق وربك يعطي كل واحدنصيبة
بندر:هاذي موأول مناقصة يربحها
هاذي رابع وحدة ياخذهامنا وأحنا قاعدين نخسر وهو يربح على حسابنا
أبوعبداللةوهومعصب:الدنياأ� �زاق خلاص روح شوف شغلك
ورونا همتكم
بندرواقف عندالباب بيطلع
أبوعبداللة:بنـــــدر
بندر:ســـم
أبوعبداللة:سم اللة عدووك....
بندرمن قلب:أميــــــــــــــــن
أبوعبداللة:وين عبداللة؟؟
ينفتح الباب بهالوقت
عبداللة:السلام عليكم
أبوعبداللة+بندر:وعليكم السلام
عبداللة:سلامات يبة وجهك أصفر؟
أبوعبداللة:اللة يسلمك.... لابس شوية إرهاق ويروح
عبداللة:أبوي رووح البيت وأرتاح وأحنا موجودين نسد عنك
أبوعبداللة:أجل أخليكم ... أنا رايح البيت
)طبعاً بندر كان معصب على أبوالوليد لأان المناقصة رست علية وعصب أكثر يوم أبوه تعب وهويقول في خاطرة كل منة واللة ماأخلية بحالة(
طلع الأبو بيروح البيت
عبدالله: بندر وش فيك
بندر: عاجبك الي يصير لنا
عبدالله: وش الي صاير بعد ترى مو ناقصين مصايب
بندر: المناقصه
عبدالله: لاتقول مارست علينا رست على بو الوليد
عبدالله: الله كريم يقسم الارزاق
بندر: ترى الطيبه ماراح تنفعكم
طلع بندر معصب وصفق الباب وراه
عبدالله: الله يهديك
في بيت ابو عبدالله(محمد)
داخل ابو عبدالله البيت
ام عبدالله: ابوعبدالله شفيك راجع اليوم بدري البيت
ابوعبدالله: تعبان شوي
سعود وهو نازل من الدرج ماراح اليوم الجامعه ويدندن (حبكم وسط الحشا سادي لو جبل ما تحمله كله(...
ابو عبدالله ماسك راسه بيد يحس بدواره واليد الثانيه ماسك فيه الجدار ماقدر يتحمل طاح مغمي عليه
ام عبدالله تصارخ
نزل سعود يركض
سعود:و ش صاير
شاف ابوه طايح وشاله وداه المستشفى
بمستشفى تداوي قسم الطوارى
سعود بخوف:بشر دكتور ابوي وش فيه
الدكتور: لاتخاف شوية ارهاق بنخليه يومين عندنا انتبع حالته
سعود: شكراً دكتور
الدكتور: العفو هذا واجبنا
سعود يدق على عبدالله
عبدالله :السلام عليكم
سعود: هلا بومحمد وعليكم السلام
عبدالله: خير وش عندك داق مش من عوايدك
سعود: لاماشر بس الوالد طاح علينا وهو في المستشفى
عبدالله بخوف: وشــــــــــــــــــــووو وووووو
سعود: لاتخاف شوية ارهاق بيترقد يومين
عبدالله: اي مستشفى
سعود: تداوي كانت اقرب شي
ععبدالله : الاحين انا جاي
عبدالله اقول لبندر ولا ..لا
راح عبدالله لمكتب بندر وقاله كل السالفه
وعصب فهد وقعد يتحلطم بكلام غير مفهوم؟؟؟؟
عبدالله: اقول قوم خلنا نروح بدل هالكلام الفاضي
راح عبدالله وبندر المستشفى وتلاقو مع سعود وتطمنو على ابوهم انا بخير
في جامعه الملك فيصل
غلا : جاني النوم من شرح الدكتور
شوق: بالعكس شرحه مره حلو الى انتي مالك خلق
غلا: بدق على شهد بشوفها وين اكيد ضايعه
الا شهد تمشي اقبالهم والبنات الي بطاوله الي جنب طاوله غلا وشوق يقولون:
...................: شوفي شكل هاذي البنت مره غريب وحلو شكلها حلو بنظاره والشعر booy يقصدون"شهد"
؟؟؟؟ يلتفتون غلا+شوق تطلع شهد
قعدو يضحكون
شهد: وش فيكم تضحكون
شوق و غلا يطلعون بعض : ولا شي(في خاطرهم عشان ماتنغر عليهم(
قعدة شهد تسولف عن الجدول وانه مو عاجبها وقعدو سولف وضحك
شوق : بنت اليوم عندي
غلا: ليش انشاء مايكون عندنا احنا ثنتين
شوق: انا عندي فلم دي في دي
شهد: اهم شي عندي البطل
شوق: براد بت وانجلينا جولي
غلا: الله هذا لفلم الجديد ما لقيت السي دي بالسوق
شوق: اي جابه لي فيصل فديته من الامارات
غلا :اوكي اقول لماما وارد عليك
شهد: من هاذي الشله الرازه لبسهم مره كشخه
غلا: اي هاذي شلة الشينه ندى
شهد: اي شينه هاذي ملكه جمال
شوق: بس مو احلى مني انا وغلا
غلا: تدرين شهد هاذي ندى حاطه حطه علي انا وشوق لان كل معجبتها خلوها وصارو يركضون ورانا
تمر ندى من اقبلهم وتستحقرهم
نحاسه فيها ابسموا غلا وشهد وشوق
ندى تقول لشلتها: اكملت شلة الغميزات
)ملاحظه: غلا وشهد وشوق عندهم غمزات اذا ابتسموا الناس تموت عليهم ) الله يعطينا ههههههههههههههه
غلا+شوق: احنا خلصنا محاضرات باقي عندك ياشهد محاضرات
شهد: اليوم تعارف بس
شوق بدق على السواق يجي ياخذنا
........................... بعد ربع ساعه ركبوا السياره
شوق:وين تبون نتغدى

[صمت المشاعر]

][][§¤°^°¤§][][ الفصل الثالث][][§¤°^°¤§][][


نور وصوتها الحنون يرتجف تسابق خطاها وتمسك يدا عبدالله تكفى اخوي طمني على ابوي
بندر: كل خير انشاء الله ابوي بخير
عبدالله: خلاص يا الغاليه الوالد بخير الدكتور طمنى عليه
سعود: بخطوات ضغيره يرجع للواره ويروح غرفته وعيونه كله دموع
ام عبدالله : وين فهد
فهد: توكم تفتكرون فيني
تروح ام عبدالله وتضمه :انت من ريحة الغالي
ام عبدالله: ليزا ليزا
ليزا: نعم ماما
ام عبدالله : حطي الغدا
ليزا: جين جيم ماما
ام عبدالله: ندى
ندى: سمي يمه
ام عبدالله : نادي اخوك سعود
ندى: اشاء الله يمه
ندى تدق باب غرفة سعود
سعود:مــــــــــا يرد
ندى تدق الباب مره ثانيه باصرار
سعود: نعم
ندى: حطينا الغدا
سعود:من له نفس ياكل
ندى: تفاءل ياسعود
سعود: يصير خير
واجتعوا العايله على الغدى والكل كان يتغصب اللقمه والكل كان يبين انه قوي بس تعبان من الداخل
خلصوا الغدى
عبدالله: يمه
ام عبدالله: سم ياوليدي
عبدالله: سم الله عدوك بغيت تصحيني العصر اجيب مها والعيال من بيت اهلها
ام عبدالله: انشاء الله والله مشتاقه لمحمد
فهد بخبث يبي يغير جو: يالغاليه مشتاقه لمحمد الصغير ولا الكبير
الكل:هههههههههههههههههههه� �هههههههههههههههههههههههه هههه
بندر: الله يقطع ابليسك ضحكتني وانا مالي خلق ههههههههههههه
شوق تدق على غلا
غلا : هلا والله ومرحبا بالغالين
شوق: كل هذا لي والله انت الغاليه متى بتجون
غلا: الساعه كم الاحين
شوق:4ونص العصر
غلا: ادري العصر من قال الفجر
شوق:هههههههههههههه الله يقطع ابليسك
غلا: اوكي 5 وربع انا وشهد عندك
شوق : حياكم الله اوكي اخليك
غلا: الله يحيك مع السلامه
راحت غلا عند شهد لقته قاعده على الكمبيوتر
شعد تلف على غلا: هلا والله بغلا
غلا: الله يحيك انتي ما تشبعين من النت
شهد: لا
تلف شهد على الكمبيوتر وتكتب
~اهات الشرقيه~: اخليك انا بطلع
.................: الله معك متى بترجعين
~اهات الشرقيه~:انشاء بالليل
................:اوكي انتبهي على نفسك
~اهات الشرقيه~:اوكي باي
شهد: ايه غلا وش تقولين
غلا توى الناس كان كملتي
شهد: والله سووووووووووري قلت لهم اني بطلع
غلا:مييييييييييييييين
شهد تضيع الموضوع: متى بنروح بيت شوق
غلا: انتي تجهزي قبل انا قلت لها الساعه5 وربع بنجيها
شهد: اوكي ماراح اطول بتجهز بسرعه
................... راحت غلا غرفته
وطلعت لهاتنوره بيضاء قصيره بس مو كثير لعند الركب مع بدي سماوي على ابيض مع شبشب سماوي واستشوارة شعرها على انه انه ناعم بس عشان تبين القصه وحطت كحل داخل عيونه واي شدو سماوي على كحلي وقلاس ورديوطلعت جنان
تدق شهد الباب:غلا
غلا: دخلي
شهد تفتح الباب: واووووووووووووووو
غلا: انتي الي واووووووووووووووووووووووو وو
شهد كانت لابسه بنطلون برمود جينز كحلي غامق وبدي بدون علاق احمر وفقه جينز كحلي غامق قصير يعني فوق الخصر وجزمه حمراء طبعاً هي دايم سبور مع شعرهاbooyونظاره طالعه كوووووووووووووووووووول
اللبسوعبايتهم وعاد تخبرون العيون مع اللثمه وخبرو امهم وبطلعتهم لقوا وابوهم وسلموا عليه
غلا: هلا يبه علومك
ابو نايف: بخير الله يسلمك وين الحلوين طالعين
شهد: بنروح بيت شوق بنت ناصر
ابو نايف:سلمو على ابوها
وطلعوا......................
وبالسياره......
شهد: شرايك نشتري شكولاتـه
غلا: اكيد كنت ناويه امر على باتشي
شهد: لا باتشي بعييييد وشرايك شيكولاين اقرب
غلا: اوكيه وشو نجيب
شهد: مشكل
غلا: انوار روح شيكولاين
انوار(السواق): اوكي ماما
ويرن جوال غلا
شوق:الـــــــــــــــــــ� �ـــــــو
غلا: هلا ولله
شوق : وينكم قاعده استناكم
غلا: مسافه الطريق ياعمري سووووري على التاخير
شوق: عادي انتظركم
غلا: اوكي
شوق : بااااااااااااااي
غلا:باااااااااااااااااي
.......................وبعد عشر دقليق وصلوا
شوق:هلا والله بالغالين
شهد+غلا: هلا بك ياعمري
شوق : نور بيتنا
غلا: النور نورك وش هالزين
عاد شوق لابسه فستان قصير لحد الركب هينك فيه ربطه عند الرقبه طالعه مره ناعمه بالوردي وحاطه كحل داخل عيونه واي شدو وردي غامق وقلاس وردي فاتح طالعه من جد جنانشوق: عيونك الحلوه ياقمر
..... وخذتهم السوالف وضحك عاد تعرفون جمعة بنات ماتخلى من الاغاني والرقص عاد شوق وغلا رقصهم دلع في دلع من حقهم حلوين
وطايحين اكل بشكولاته والقهوه والله وناسه
شوق تنادي خدماتهم: اّن اّن
شوق: يالله هالخادمه ابد كل ما اناديه ما ترد
شهد : يمكن مشغوله
شوق: بناديه باالانتركوم
وتكادلمه شوق:اّن
اّن: نعم ماما
شوق: اّن بابا خالد وبابا الوليد هنا
اّن: لا ما في احد بابا روح جيب مدام هدىوبابا خالد مافي معلوم
شوق:اوكي اّن جيبي عصير
اّن: اوكي ماما
شوق: غلا
غلا: هلا
شوق: عدلنا المسبح حقنا واخبرك تموتين على برك السباحه
غلا: امانه ابي اشوفه
شوق: خلاص روحي شوفيه تدلين الطريق
غلا: طيب اخونك
شوق: مافي احد طالعين
غلا: اخــــــــــــــــاف
شوق: من وشـــــــــــــــو
غلا: لاحد يشوفني
شوق: محد شايفك روحي بسرعه ورجعي
غلا: شهد تجين معي
شهد:ما احب البرك
غلا: اوكيه بروح
تروح غلا البركه وما تدري ان احد يراقبها لان قدام البركه في غرفه زجاجيه اللي داخل يشوف اللي برا واللي برا مايشوف اللي داخل واكيد غلا بدون عبايه كان خالد قاعد بالغرفه عند التلفزيون لان امه قالت له ان شوق عازمه ؤصديقاته ....,,,,,, ويشوف ذيك الغزال الي تلعب بالماي باطرف اصابيعها ومن بهر بطولها وتشوف عينه عينها معرف وش يسوي ياخاف تختفي وقعد يراقبها والمسكينه ماتدري وين الله قاطها الين ماراحت وقعد سرحان فيه
...... بعدين ارجعت غلا وخذتهم السوالف
شوق : يالله خلنا نشوف الفلم
غلا+شهد: اوكي
مر الوقت وخلص الفلم وكان مره حلو
شهد: بدق على السواق
غلا: اوكي
شهد: انوار
انوار: الو ماما شهد
شهد: انوار تعال بيت صديقه انا
انوار: انا مع ماما كبير في كبر
شهد: اه ه اوكي باي
شوف: روحوا مع سوقنا
غلا: بدق على نايف
كان نايف طالع مع بندر ويدق جواالة
نايف:ألـــو
غلا:هلاواللة بريحة أهلي
نايف:هلافيك ياقلبي
غلا:نايف حياتي وينك فية؟
نايف:طالع مع خويي بغيتي شي
غلا:أناطاعلة عندشوق صديقتي والسواق مشغول مع أمي والوقت تأخر
نايف:وين بيتهم
غلا:بيت ناصرالي أولادة خالد والوليد
نايف:ذكرتهم ......خلاص دقايق أخذ السيارة وأجيك
غلا:مشكووور بـــاي
نايف:بــاي
نايف:بندر
بندر:هلا
نايف:ياخوي وصلني البيت باخذ سيارتي
بندر:عسى ماشر
نايف:ابدماشر....بس خووواتي رايحين بيت ناصر.....الــ........يبون امر عليهم اخذهم
بندر:بيت ميــن؟؟؟
نايف:ناصر......الـ......... أبوالوليد
بندر:وش وداهم بيت هالنذل؟؟
نايف:هاذي صديقت خواتي ....ماتتصووور وش قد دلوعة وأهلهايشوفونهابالدنيا
بندر:ودي أجيب راسها للأرض
نايف:لا ياعيوني البنت ماهي راعية هالحركات...أبد ماعندها هالسوالف
بندر:بس بندر ولد محمد.... الـــ.............
نايف:ماراح تقدر عليها
بندر:خلاااص ماعندي الا طريقة وحدة
نايف:وش هي؟؟؟
بندر:أني أتزوجهاوأرميهارمية الكلاب
نايف:حرااام عليك ياخوووي وراهاأخوووان ماراح يخلووونك
بندر:بتشــــــوف لأعلقهـــــــــاوأنا ولد أبوي
نايف:وسارة حبيبة قلبك؟؟؟
بندر:صح سارة أحبهابس مستحيل أخذهااا هاذي بس فترة وأتركها


--------------------------------------

[صمت المشاعر]

][][§¤°^°¤§][][الفصل الرابع][][§¤°^°¤§][][



شبعد ماحط بندر شوق في باله وقعد يفكر فيها كثير
بعد مرور شهرين>>>>>>>>>>>>
بندر قرر يكلم امه تخطبهاله
بنـــــــــــدر: يمــــــــــه
ام عبدالله: هلا باهلي كلهم سم ياوليدي امـــــــــر
بندر: ما يا امر عليك عدو
بندر:يمه بغيت اكمل نص ديني
ام عبدالله : هذا الساعه المباركه ياوليدي من متى وانا احن عليك
هـاه ياوليدي ادورلك بنت الحلال
بندر: لا يمه انا ابي وحده ومابي غيرها
ام عبدالله :من هي اعرفها
بندر: لا انا شاري اهلها
ام عبدالله: من اهلها
بندر:بنت ناصر...الـــ...... ابو الوليد
ام عبدالله: أي هذا الي مع ابوك
بندر: يمه ابيك تروحين تشوفين البنت وبعدين اروح انا وابوي نخطب رسمي
ام عبدالله:يصير خير
طبعاً طول الشهرين خالد ماشال غلا من باله وهو يبي يعرف من هاذي البنت...؟؟؟؟؟ فكر يقول لشوق بس عارف شوق ماراح تقول له فكر يقول لأمة بس قال في خاطره قويه بعد شهرين اسئلها مين جاء بيتنا من شهرين ...ياربي وش اسوي راسي بينفجر ماني قادر اركز بشي كل ما اغمض عيني الا قيهـــــــــــــــا <<< والله لجيب راسك وانا خالد<<<<<<
قام خالد نزل بيقعد مع اهله لقاهم مجتمعين
وهو نازل من الدرج يشوف اخوه الوليد جاي مع ولده
ناصر بن الوليد ..عمرها 4 سنوات..
ناصروهو يركض ناحية الدرج ويضم عمه
ناصر: عمو توديني ماركت
خالد: اه ه ابو المصالح طالع على مين
ويطالع شوق بطرف عينه
شوق: يحلاته لو يطلع علي
خالد يضحك: هههههههههههههه ياواثق
ناصر: عمو بتوديني ولا ثلون
خالد: تمر ولون هههههههههههههههههههه قول لبوك يوديك
الوليد: ذليت الولد خلاص بابا ناصر انا بوديك هذا واحد بخيل
خالد: الحمد لله طالع على اخوي الكبير بعدين ولدك يخم البقاله كانا ماشاف خير
ناصر: عمو خلود
خالد: مين خلود بعد اصغر اعيالك روح عند ابوك ررررررررررووووح
الكل يضحك :هههههههههههههههههه
>>>>>>>>>>>>>>عايله ابو عبدالله مجتمعه
ابو عبدالله: وين بندر
ام عبدالله: مدري يمكن بغرفته
ابو عبدالله: فهد قوم ناد اخوك قوله ابوك يبيك
فهد: انشا الله يبه
وراح فهد ينادي بندر لقاه بغرفته ويكلم ساره(ساره وحده تعرف علييها بندر في بريطانيا يوم كان يدرس وساره من ام بريطانيه وابو خليجي وعلاقتهم صار لهاسنتين(
فهد دق الباب ودخل
بندر: دقيقه ساره
فهد:ايوه يابو الشباب طايح لي مغازل واسمها ساره بعد عطني اكلمها
بندر: هههههههههههه أي ساره انت الثاني هذا واحد من ربعي
فهد: علينا يابو الشباب المهم بندر
بندر:امــــــــــــــــــ� �ر وش عندك
فهد: القياده العليا تبغاك(المقصود الوالد(
بندر:غريبه وش يبي
فهد: قال يبغاك وبس
بندر: اوكي شوي ونزل
فهد: خلاص سلملي على خويك طيب
بندر:هههه يوصل
يطلع فهد ويرجع بندر يكلم ساره
ساره:قلبي بتروح لهلك
بندر:أيه ابوي مدري وش يبي فيني
ساره: طيب الغالي دق علي باليل تعرف اني مارتاح بالنوم الا لما اسمع صوتك
بندر : فديتك وانا اقدر ما اكلمك
ساره: اوكي يا حبي باي دير بالك على نفسك
بندر: انشاء الله يروح بندر وقلبه باااااي
راح بندر يتسبح ويكشخ عشان عقب بيطلع لبس ذاك الثوب الحجازي المخصر وجسمه يجنن وذيك الغتره البيضا الزبده شكله رزه مره(معرس(
ونزل بندر وسلم على امه وابوه
فهد: وووووووووو وش الكشخه رايح عند خويك الي توك مكلمه
بندر: ههههههههه حلو بس لا تعيدها مره ثانيه بعدين الكشخه اليوم عرس واحد من اخوياي
ندى: والله لويشوفونك البنت يطيحون تحت رجولك
نور: ليه من اهوووو عشان يطيحون عليه البنات
بندر (معصب): اقول انتي تشب
نور: بنات اناس مو لعبه
بندر: اقول محامي الدفاع البنات راضين حبيبتي انا بندر ولد محمد
بندر: امرني يبة بغيت شي
ابوعبدالله: توك تفتكر اني موجود
بندر: لك الحشيمة والكرامة ورح باس راس ابوه
ابوعبدالله : حبتك العافيه
ابو عبدالله: تعالي مكتبي ابيك
بندر: انشاء الله بس تراني مستعجل الموضوع مهم
ابو عبدالله: أي مهم
بندر: تـــــــــــــم
وراح بندر مع ابوه واول شي ساكتين ابوه يفكر وما حب بندر يزعجه وسكت
ابو عبدالله : قلت امك لي انك نويت تزوج
بندر: ايه يبه انا ماعلي قاصر شغل واشتغل وشايل نفسي
ابو عبدالله: وليه بنت ناصر.....الـــ....
بندر:ليه ماابيغها وش فيها
ابوعبدالله: لايكون حاقد على اهلها ياوليدي
بندر:لا بس سمعة البنت مره زينه وبغيتها وبس
ابو عبدالله: اكيد بندر
بندر: اكيد يبه
ابو عبدالله: ايه بس بنات الناس مش لعبه
بندر: ادري يبه متى نروح نخطب رسمي
ابوعبدالله :خلاص الخميس انشاءالله
ياتــــــــــرى وش بيصير بتوافق شوق ولا لا؟؟؟؟
وخالد وش بيسوي ؟؟؟؟

يــتــــبـــع ..

[صمت المشاعر]

][][§¤°^°¤§][][الفصل الخامس][][§¤°^°¤§][][


وتم كل شي بسرعه وجاء يوم الخطبه ومن عادات اهل السعوديه شوفة السنه
<< كان ابو الوليد والوليد وخالد بالمجالس
جاء ابو عبدالله وعبدالله و(المعرس) بندر ...كان كاشخ مررررررررررره
ودخلو سلموا عليهم وطلبوا يد البنت
ابو الوليد: هذا الساعه المباركه يوم نجتمع في شي
ابو عبدالله: أكيد والله أحنا اسعد كله منافسات في منافسات
)بندر في خاطره ماجابني لكم الى المنافسات(
ابوالوليد: اكيد تبي تشوف البنت
بندر: انا شاري اهلها ومدامها منكم مايطلع منها الا الزين(يجامل عشان يدخل فيهم(
ابو الوليد: تسلم ياولدي بس هذا الشرع
بندر: الي تشوفه (في خاطره لو انها شينه باخذها باخذها(
خالد : هالله هالله باختي هذي دلوعتنا
بندر: انشاء الله
الوليد: بندر انت وين دارس
بندر: في بريطانيا
الوليد: ماشاء الله
..... وقعدوا يسولفون
قام خالد راح يشوف اخته شوق اذا كانت جاهزه عشان تدخل على بندر
خالد: شوق
شوق: ســ ســ سم
خالد: علامك ياشوق
شوق بإرتباك: خايفه مررره
خالد: والله الي يشوفك مايقدر ينزل عينه منك
شوق بخوف: مـــــــــا ابي ادخل
خالد يضحك على اخته: ههههههه بلا دلع بزران ترى زمن الدلع ولاه
)شوق كانت لا بسه تنور جينز رمادي وبلوزه وردي فاتح مكتوب عليها بلمعه وحطه كحل داخل عيونها وقلاس وردي فاتح وفاتحه شعرها الي يغطي ظهرها وكانت مدرجته على طوله وغرتها طايحه على عينها (
قعد بندر في المجلس الثاني
خالد يمازح بندر: ترى عندكم عشر دقايق لاتزيد ولا تنقص طالعها زين
بندر يضحك
شوق قبل ما تدخل اسمعت ضحكته(وتقول ضحكته تهبل(
راح خالد ودخل شوق وقعد قريب من بندر
دخلت وهي ترتجف وحست ان المجلس صار كبير مره اكبر من العاده
شوق بصوت واطي: السلام عليكم
اجلست اقبال بندر وهي منزله عيونها
بندر: وعليكم السلام والرحمه
)بندر ياويلي هذي بنتهم هذي قمر يمشي على الارض مومعقوله لا ولا حاطه مكياج وشكله كذا لو حطت وش يصير وقعد يطالعه ولا قدر ينزل اعيونه(
بندر في خاطره مدري اتكلم ولا اسكت مدري وش يسون في مثل هذي المواقف
شوق طول الوقت اتطالع الارض
خالد داخل عرض : شوق
شوق ترفع راسها ببطى :ســـــــــم
بندر في خاطره سبحان من خلقك وصورك
خالد: سم الله عدوك بس الرجال قاعد اقبالك مو في الارض طالعيه اهو..
شوق تبتسم لخوها وترفع راسها وتطيح عينها بعين بندر تستحي وتنزلها
بندر شاف غمزاتها وهي تبتسم ذاب الرجال خلاص
خالد يبي يكسر التوتر: شوق ترى بندر دارس في بريطانيا ويشتغل مع ابوه بشركه وعمره 25 وشاب وسيم وقعد يضحك خالد على الي يقوله هههههههههههه
خالد: والله اقدر اصير خطابه
بندر يضحك: هههه الله يقطع ابليسك
شوق زاد توترها وما قدرة تقعد قامت شوق: اخليكم
خالد+بندر: الله معاك
خالد :تستحي اختي شرايك فيها
بندر: اذا انت اخوها وناصر ابوها اكيد مزيونه
خالد :تسلم من ذوقك
وطلعوا وراحو المجلس عند الرجاجيل
ودخلوا وابتسم بندر لابوه علامة إن موافق عليها وتفقوا على كل شي الملكه والمهر وخلافه
شوق تكلم غلا
شوق: ياويلي ياغلا يهبل
غلا: هذا بس من نظره بس
شوق: مدري وش سوا فيني
غلا: اوصفي لي ياه
شوق : وش اوصف وش اخلي طول وعرض وسيم وعليه ذيك السكسوكه تهبل عليه
غلا: لا خويتي راحت فيه من الحب
شوق: أي حب بس اعجاب
غلا: كل هذا اعجاب لو تحبينه وش سويتي
شوق:والله مدري
غلا: شوق قلبي نايف يبيني شوي ودق
شوق: اوكي قلبي استناك
..... غلا: هلا نايف
نايف معصب: ابيك تاخذين غترتي من عند الخدامه الحماره
غلا: انشاء الله وراك معصب كذا
نايف: خويي تحت وتاخرت عليه
غلا: اوكي لحظه
وراحت وعطته الغتره وطلع وكان بندر يستنى بسيارته(جيب بورش(
نايف: هلا والله بالمعرس
بندر:هههههههههه لاتصدق تراك تدري بالسالفه
نايف: قلت يمكن بعد ماتشوفها تغير رايك
بندر : صدق ماتوقعتها كذا بس مااقدر اشيل من بالي السالفه وخصوصاً عقب ماشفت حاله ابوي لما طاح
نايف : طيب هي وش ذنبها
بندر: ذنبها ذنب ابوها(وبدا يعصب(
نايف يغير الموضوع: طيب وش بتسوي بساره
بندر: وش بسوي بعد ماراح اسوي فيها شي
نايف: يعني ماراح تكلمها
بندر: لا ما اقدر لازم اكلمها
نايف وهو مستغرب كلام بندر: من جدك والي بتصير مرتك
بندر وهو يضحك : هههههههههههههه لابعد قدامها
نايف الله يهديك
<<<< تم كل شي بسرعه من ناحية الملكه لان بندر كان مستعجل يبغا ينفذ خطته بسرعه
.............. في بيت ابو نايف
غلا رايحه غرفة شهد ودقة الباب
شهد: لحظه
وتصغر شاشه الماسنجر وتكبر شاشه مجلد الاغاني
شهد تفتح الباب.. غلا تجلس على كرسي الكمبيوتر وتوها بتمسك الماوس وتصرخ شهد : غلا لااااااااا
غلا: بسم الله وشفيك
شهد تمسك يد غلا وتسحبها من الكرسي وتقول تامريني شي
غلا : لا
شهد: اوووف طيب وش تبين
غلا : طيب لا تتافين نزلي حطينا العشاء
شهد : طيب الاحين نازله
طلعت غلا وقفلة شهد الباب وراحة تجلس على الكرسي وتقول: الحمد الله ماانتبهت للمسنجر وترجع تكبر شاشة المسنجروتكتب
~اهات الشرقيه~ : انا رجعت
..........: هلا والله
~اهات الشرقيه~ : طولت عليك
...........: تمونين يالغاليه خذي وقتك
~اهات الشرقيه~ :كلك ذوق
~اهات الشرقيه~ : اوكي انا بطلع الاحين
...........: بدري وتوا الناس ياشمعة الجلاس
~اهات الشرقيه~ : اوكي برجع بعد ساعه ونص
.............: اوكي يالغاليه انتبهي لنفسك وبتوحشيني
~اهات الشرقيه~ : وانا بعد
...........: باي
~اهات الشرقيه~ : باااااااااااااااااااااااا اااااااااااااااي
... قعدة شهد على السرير تفكرالي اسويه انا صح ولا غلط
اووووه مابي افكر انزل تحت معهم ابرك لي من التفكير
تنزل شهد وتشوف ابوه ونايف وغلا ونواف في الصاله تروح وتبوس راس ابوها
ابونايف: وينك مانشوفك
غلا داخله عرض: كل على الا نترنت
شهد: هههه بايخه
تدخل ام نايف : يالله العشا جاهز
<<< تعشوا وبعد العشا الكل قعد بالصاله
ابو نايف : الا وش مسوين الحلوين بالجامعه
غلا : الحمد لله
شهد : للحين تمام
نواف(اخر العنقود): وانا بابا
ابو نايف : فديتك والله انت الكل بالكل
ام نايف: فديتك ياوليدي انت ماينخاف عليك تعال بابا اجلس جنبي
.. يروح نواف يضم امه ويبوسها
شهد: والله ما لانه حظ في العايله
نايف : والله الكل يسال عنكم من الصباح وانا ولد البطه السوده
غلا: لا والله الفوشيه احلى على الموضه
الكل: هههههههههههههههههه
شهد: نايف حبيبي
نايف عاقد حواجبه: نعم طلباتك البنت ماتتكلم بنعومه الا عنده طلب
شهد بدلع:خلاص مااابي شي
نايف: خلاص قولي تطلبين وتذليني الين ماتقولين الطلب
شهد: ودنا البحرين
نايف: ليش البحرين انشاء الله
شهد: نبي نروح سينما السيف ماعندنا سينما هينا
غلا وشوي بتقعد في حضن اخوها: أي ودنا الله يخليك
نايف: لاتعالي جلسي بحضني
غلا وهي تضحك: هههه لاتسلم ما ابي
شهد+غلا : الله يطول بعمرك
ام نايف: امييييييييييييييييين
نايف يبوس راس امه : تسلمين ياست الحبايب
شهد: وش قلت
نايف : امممممم افكر
شهد اطالع ابوها بنظرة حزن )يعنني تبي تكسر خاطره(
ابو نايف :الله يهديك يا نايف ودهم
نايف: فديت الغالي اصلن انا بوديهم بس ابي اذلهم
شهد: اهم شي بنروح ذليتني ماذليتني بنروح
غلا : فديت اخوي والله
نواف: انا بعد ابي اروح ملاهي السيف
نايف: انت تامر امر اول من يركب السياره انت
>>>>>>>>>> بعد مرور اسبوعين >>>>>>>>>
في يوم من الايام غلا وشهد رايحين بيت شوق علشان يطلعون معها المجمع تشتري جهاز العرس
وبدخلتهم يصادفون فيصل وخالد (فيصل خلص دراسه ورجع السعوديه(
خالد في خاطره: اللــــــــــــــــــه ياحلو الي اقبل علي
خالد: فيصل اسمع هالقصيد
فيصل : سمعنا
الله خلقها روعه للمخاليق" وكلن على الحسن الخيالي حسدها
في وجهها نور جذاب كل عشيق " كالشمس مجنون الخرافه عبدها
شمس لها مطلع الشمس تشريق " تصير في جنيا الغواني وحدها
لا جربت همٍ ولا جربت ضيق " وان مرت النسمه تجرح جسدها
وجمالها ماهوب زيف وتلفيق " استغفر الله كن محد ولدها
ومن تحتها ناسٍ تبي بله الريق " والكل جاها من بعيد وقصدها
فجرٍ يهل بثغرها واخر يويق " وليله يمت بحسرته من رقدها
تملك سحر كل العذارى بتشويق " وان سلهمه بالعين ماتوا بعهدها
خالد: وسلمت
فيصل: صح اللسانك كل الكلام هذا لمين ؟؟؟
خالد: صح بدنك مــــــــــو لحد بس حبيت اسمعك اخر قصيدي..........
)روعه( للشاعرعبدالله القحطاني
<<<<< بالطرف الثاني
غلا: شفتي الطويل يهبل (قصدها خالد(
شهد بعتراض: لا الي معاه احلى بكثير
غلا: والله حلوين اخوانها
شهد: أي والله
...دخلوا داخل سلموا على شوق
شوق: يالله مافي وقت
غلا: اوكي طلعنا
وراحو مجمع الراشد طبعاً ماخلو شي ماخذوه من جزم عطور فساتين ...الخ
غلا بخبث: انا بروح وبرجع ماراح اطول
.. راحت غلا تشتري هديه لشوق بس بقولكم بعدين وش هي...
رجعت غلا لشهد وشوق
شوق : بنات خلنا ندخل ها المحل
شهد+غلا: يا لله
تشرو و هم طالعين شوق : وش يسون ذولي هنا
غلا وشهد التفتوا على المكان الي تتكلم عنه شوق وكان يشوفون خالد وفيصل يمشون وراهم ثلاث بنات يلحقونهم والله بنات اخر زمن هم يلحقون الشباب بس بصراحه من حقهم ذولي مو أي شباب ذولي
"قمرين في ارض وحده"
طبعاً البنات العبايه مخصره على اخرمايقدرون يمشون منها كاشفات وحطين علبة المكياج كلها بوجيهم.. وخالد وفيصل يمشون ولا يدرون وين الله قاطهم؛؛؛ وفي لمح البصر الىهم وقفين اقبالنا
خالد: هاشوق اشوفك هينا و محمله نص المجمع حتى ربعك ماسلمومنك
ويلتف خالد وتطيح عينه بعين غلا وتنزل غلا عينها
والاخ الثاني مانزل عينه من شهد طبعا شهد ماكانت لبسه نظاره لان النظاره حقتها زينه مو نظر وعيونها اصلن حلوين بس شهد حسة على روحه ونزلت الملكي على عينها وغلا نفس الشي وراحو ووقفو بعيد شوي عنهم
...... فيصل حس على نفسه ونزل عينه
شوق وهي تصارخ: هي أنت وياه قاعدة أكلمكم
طبعاً الاخوان في عالم ثاني
شوق وتضرب خالد بالكيس الي في يدها
خالد: نعم
شوق: شتسون
خالد: هـا مــــــا انسوي شي بس نتمشى
شوق : والبنات
فيصل: أي بنات
شوق: الي يلحقونكم من مكان لي مكان سودتو وجهونا انت اعيال قبايل
خالد انتبه ان اخته تمادت وصارو اصغر قدام صديقاتها
خالد: هي ترى كلتينا اصغر اعيالك حنا بعدين هم يلحقونا ومن يبي الزين يلحقه
فيصل:بعدين أحنا متملا عينا ها الأشكال شفت الي احلى منها في الامارات
خالد: حتى أنا يا لله ظفي وجهك خلينا نشوف أشغالنا
شوق: مالــــــــت ومشت عنهم
شوق تكلم شهد وغلا : شفيكم ساكتين
شهد بعباطه: اخوانك حلوين
غلا تدز يد شهد وتقول بصوت واطي : عيب احترمي نفسك
شوق ترد: عيونك الحلوه
شوق: خلونا نتعشى بعدين نروح البيت ميته جوع
غلا: حتى انا موقادره اوقف اكثر احس بيغمى علي
الوليد يكلم مشاري
الوليد : السلام عليكم
مشاري: هلا والله بالغالي وعليكم السلام
الوليد: يا لقاطع ما تدق ما تقول عندي أهل اسأل عنهم
مشاري:هههههه كل هذا حطه في قلبك وساكت
الوليد : بعد وش اسوي والله مشتاق لك ومشتاق للقعده معاك 3 سنين يا الظالم ماشفتك ما وحشتك وله الغاليه والغالي ما وحشوك
مشاري : والله كلكم وحشيني ألا شخبار العروس والمعرس
الوليد :الحمدلله ما عليها قصور والرجال ماينعاب ماعليه سمعه واصل وفصل
الوليد:مشــــــــــــــــ� �اري
مشاري: سـم بو ناصر
الوليد: ماراح تجي العرس
مشاري: والله ما ادري خلها على الظروف تدري امتحاناتي على موعد العرس مني أتمنى أجي هذي أختي الوحيدة الله يسهله انشاء الله
الوليد: انشاء الله اخليك تراك خسرتني
مشاري:ههههههههههه سلم على الأهل
الوليد: دق عليهم انا ماراح اسلم على احد
مشاري: انشاء الله بدق عليهم فمان الله
الوليد: فمان الكريم
وش راح يصير بين بندر وشوق؟؟؟؟؟؟
مشاري بيحضر عرس اخته شـــــــــــــــوق؟؟؟؟؟؟؟ ؟


------------------------------------------

يـــــتــــبــــع . . . .

[صمت المشاعر]

][][§¤°^°¤§][][الفصل السادس][][§¤°^°¤§][][


<<< في بيت بو عبدالله
هدى زوجة عبد الله: يالله يابنات تاخرنا ترى عبدالله ينتظر بسياره
نور من فوق: خلاص مــــــا صارت كل هذا صراخ
ندى : خلاص نزلنا
نور: طيب وين بنروح
هدى : مجمع الراشد ولا جمعه سنتر
ندى : جمعه سنتر احسن هناك محل المصمم اللبناني
نور: أيه مره حلو كل فساتينهم حق اشهر مصممين للبنان
هدى : اوكي بقول لعبد الله
.... ركبوا السياره
رهف بنت عبدالله 4 سنوات :ماما
هدى : عيون ماما
رهف : ابي فثتان )فستان(
محمد 4 سنوات : وانا ابي ثوب وبثت (بشت(
هدى : انشاء الله بابا
عبد الله : وين تبون تروحون
هدى : جمعه سنتر
عبد الله : انشاء الله
بيت طلال ابو نايف
نايف :الله يأخذكم من بنات تعبت وانا أنادي
ام نايف : بسم الله على بناتي
شهد : خير وش صاير
نايف : وين غلا قايله تبي تروح المجمع
شهد: خلاص تروح مع السواق
نايف : لا انا بوديها عشان اختار الفستان ابيها تطلع حلوه لان المعرس صديقي والعروس صديقتها والله لخليها احلى وحده بالعرس احلى من العروس بعد
شهد : ونشاء الله انا مو اختك
نايف : اقول انتي ياصبي روحي نادي اختك صيري مثل البنات بعدين يصير خير قال اختك انتي اخوي مع هذا الشعر
شهد: مالت عليكم انا الغلطانه الي قاعده اكلمك بعدين انا شريت فستان والله لأخلي الناس تلتفة اذا مشيت وحريم مايسكتون وهم يتكلمون عن جمالي
ام نايف : والله انتي قمر لو تلبسين خيشه
نايف: القرد في عين امه غزال
تنزل غلا من فوق ولابسه عبايتها وجاهزه
غلا: مين القرد
نايف : شهد مين غيرها
رقت شهد غرفتها وهي زعلانه من نايف .. والله زودها ما كني اخته .. اقول خل ادخل على المسنجر احسن لي
ودخلت المسنجر وقعدة تسولف مع صديقتها
~ آهات الشرقية~ : هلا والله بحصه
عين المها : هلا فيك وينك من زمان صار لي شهر ما كلمتك
~ آهات الشرقية~ : تدرين الجامعه ومشاغلها
عين المها : شخبار غلا مع الجامعه ما انخطبت
~ آهات الشرقية~ : لاما انخطبت اما عن الجامعه تمام
شهد تشوف احد دخل على المسنجر.............؟؟؟؟؟؟
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: هلا بطش ورش
~ آهات الشرقية~ : هلا فيك ياقلبي والله وحشتني موت
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: حتى انا وحشتــــــــــــــــــــي ني موت
~ آهات الشرقية~ : لحظه وبرجع
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: اوكي
~ آهات الشرقية~ : حصه اخليك الاحين
عين المها :متى بترجعين
~ آهات الشرقية~: مدري
~ آهات الشرقية~ : باااااااااااااااااااااااا ااااي
عين المها : بااااااااااي
ترجع شهد تكلم (.......؟؟؟؟........)؟؟؟؟؟!!!!!!
~ آهات الشرقية~ : باك يا قلبي
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: هلا روحي
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: آهات بطلب منك طلب
~ آهات الشرقية~: أمر كلي لك
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: انتي قد الكلمه
~ آهات الشرقية~: وش قصدك
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : ابي اكلمك او اشوفك احنا صار لنا سنه ونص مع بعض
~ آهات الشرقية~ : تدري اني مو من هذا النوع
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : بس انا ابي اتفاهم معاك انا حتى اسمك ما اعرفه
~ آهات الشرقية~ : اوكي تفاهم معاي على المسنجر واذا على الاسم انا مأعرف اسمك
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: ما اقدر بالمسنجر لازم اكلمك يا بتلفون او اشوفك واذا على اسمي قلتلك من قبل اسمي حــــــــمد
~ آهات الشرقية~ : أي صدقت هذا اسمك بعدين انا ما اقدر وما ابي وماراح انزل نفسي وكرامتي اكثر من كذا حتى لو كنت احبك واموت فيك
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : يعني انا كذاب بعدين حتى انا احبك بس خلاص كل واحد يروح بطريق
وذا تبين ترجعين لي هذا رقمي ِ******0555
لا تعتذر بدموع هذي النهايه *** ابعد وانا ابعد ما ورا البعد ترجيع
ان قلت وان ما قلت ردي كفايه *** خل الفراق يحل على المواضيع
ما تلتقي بالدرب غايه وغايه *** والدرب واحد ما يجي فيه تنويع
ما دام كلن ما شيٍ حسب رايه *** انته وانا ندخل في متاهات ونضيع
أحسن لنا نبعد وننسا الحكايه *** احسن لا بالوهم نبني مشاريع
حدر الثرا ندفن هواك وهوايه *** والصوره اللي في طرفها تواقيع
واوراق شعري والقلب والجدايه *** والخاتم ياللي فيه لا شري ولا ابيع
عسا الولي يجبر عزاك واعزايه *** كلن له الله ما ورا اليوم تجميع
ابعد وانا المسؤول كانه خطايه *** واسأل جميع الناس للحب تشريع
خيبت ظني فيك وانته منايه *** حاولت اكمّل بس ما منك تشجيع
والله ما ظنيت هذا جزايه *** وانا بحبك كنت لا اشري ولا ابيع
عمر النهايه ما تسمّا بدايه *** حتى لو كانت دموعٍ وتوديع
)لاتعتذر) للشاعرطلال السعيد
~ آهات الشرقية~:
روح بامان الله دربك تساهيل***حبٍ بديته اتركه باقتناعي
روح مثل حلمٍ طرا تالي الليل***ثمّ نسيته بعد ما اصبحت واعي
امن اولٍ والقلب تغليك بالحيل***ياويل من يطريك بالشر ساعي
واليوم غير الامس جمله وتفصيل***دربٍ جمعنا ينتهي بالوداعي
لك سكّةولي سكّةٍ ما بها ميل***صعبٍ علي مجاملك في ضياعي
مقدر على حبٍ يذل الحبيب***ولا نيب من في الحب يلوي ذراعي
ارفع مناحيها واجنّب عن السيل***وابحث عن اللي قلبها لي يراعي
حبٍ اصيل معدنه لمعه سهيل***ما يرتجي مطماع ولا هو مشاعي
يعرف سمو الحب عن اي تمثيل***ما يهتني بالنوم والحب واعي
حبّ بلا أيثار خدعه وتظليل***ما يستمر الحب دامه صناعي
غرّك هل التطبيل في كل تبجيل***ما عاد لك في صاحب الصدق داعي
يا ما تحملتك ابي بعض تدليل***لكن اشوفك ناوين بالخداعي
روح مع النسيان ذوق من الويل***من بعض ما ذقته وانا بالتياعي
)شاعر العثمانيات(
شهد ما قدرت تستحمل اكثر من كذا طلعت وراحت انسدحت على السرير وانفجرت بصيح يقطع القلب (صحيح هي تحبه وتموت عليه بس اخلاقها ما تسمح له تكلمه او تطلع معه)ونامت وهي ماتدري...................................... ...... ...... .........................كان بندر يفكر الي هو سواه صح ولا غلط بعدين قال مافي امل هي الاحين زوجتي على سنه الله ورسوله بس بنظري هي زوجتي بالاسم
ماحس الى جواله يدق ويشوف الشاشه (دلوعتي يتصل بك(
بندر : هلا وغلا والله بروحي وقلبي
ساره : هلا فيك ياقلبي فديتك كل ما اسمع صوتك احبك اكثر
بندر: انا الي ويصارخ احـــــــــــــــــبـــــ ـــــــــــــــــــــــــ ــكـــ
ساره : ههههههه بس لحد يسمعك
بندر : خليهم يسمعون
ساره بدلع : حبيــــــبي
بندر: عيونه وقلبه وعقله وروحه وآخذتيهم بعد وش تامرين
ساره بدلع زياده عن اللزوم: امممممممممم وين الي قال بيجي عندي
بندر ارتبك : ســ ساره ما قدر اسافر بالهوقت عندي مشاغل مهمه ما خلصتها أنشاء الله قريب
ساره: ..............
بندر : حبيبتي وينك
ساره: ............
بندر: سارة لاتزعلين إذا قدار بجي
ساره وهي زعلانة :خلاص اخليك الماما تناديني
بندر : اوكي سلمي عليها
سكرت ساره قبل ما تقول مع السلامه لبندر
بندر: اوووووه هذا الي كان ناقصني
نزل بندر تحت لقى خواته توهم جاين من السوق
بندر : السلام عليكم
الكل : وعليكم السلام والرحمه
بندر: اشوف الكل مرتبش
نور: أي اذا ما رتبشنا لعرس الغالي نرتبش لعرس مين
فهد: مشكوره والله من ذوقك
سعود : انت مين كلمك راز بوجهك
بندر: خلاص بسكم عورتو روسنا من الصراخ
عبدالله: تدرون على نور ذوق ماشاء الله عليها طالعه علي ذويقه
بندر:ههههههههههههه والله الاخ واثق
عبدالله: انطم انا اخوك الكبير
بندر ماسك ضحكته : سم طال عمرك
سعود : اوه ها الكبر ويطمونك وش خليت لفهد ونور
عبد الله انفجر من الضحك يوم شاف شكل بندر يوم سمع كلمت سعود
بندر يسوي نفسه مو مهتم : ندى ها وريني وش شريتي انتي ونور
ندى من دون نفس : ما راح أوريك بخليها مفاجأة يوم العرس
بندر: اكيد مستأنسه بتفتكين من حشرتي وطلباتي كل يوم
ندى : أي مستأنسه بس الي بتاخذها انا ما احبها
بندرفي خاطره: لا انا الميت عليها
ام عبد الله : عيب ها لكلام هذي مرت اخوك
نور :صج بتسكن بالشقه حقتك
بندر: لا بسكن هين معاكم عندك مانع
فهد : مانع ولا دواس
سعود: هههههههههه حلوه
بندر عطاهم ذيك النظره وانكتمو
نور:احسن انا ما اقدر استغني عنك
رهف: عمو اندر انا ثليت فثتان حلو
محمد : حتىا انا ثليت ثوب وبثت ونعان
شال بندرمحمد بيد ورهف بيد وطاح فيهم بوس
يدخل ابو عبدالله : السلام عليكم
الكل: وعليكم السلام
ابو عبدالله : ام عبد الله حطو العشى ميت جوع
سعود: بسم الله عليك من الموت
فهد : يمه حبيبك جوعاً بسرعه عليه
ام عبدالله تضرب فهد بعلبة المنديل : الله يقطع ابليسك من ولد
عبد الله : هههه اكشخ الوالدة تستحي شوفوا الوجه احمر
ابو عبد الله : خلو الغاليه بحالها
بندر: يخاف عليها حتى من اعيالها
الكل : ههههههههههههه
هدى مرت عبد الله : بروح احط العشا
نور وندى : بنجي معاك
>>>>>نرجع لشهد كانت نايمه مو حاسه با لدنيا
تدخل عليها غلا
غلا : شهد قومي احد ينام هذا الوقت
شهد تفتح عيونها بشويش: نعم
غلا: اشفيك ليه عيونك كذا
شهد : لا ما فيني شي
غلا : لا يكون عشان نايف والله انه يمزح وطول الطريق يفكر وشلون يرضيك
شهد تغير الموضوع لانها ما تقدر تقول لها وش فيها: شهد شريتي فستان
غلا : أي شريت مرره رووووعه بس ما راح تشوفينه الا يوم العرس
شهد : على راحتك
... غلا استغربت تصرفات شهد بس ما حطت في باله
................................<<<< تمر الأيام بسرعه وغلا صارت ماتكلم شوق كثير لانه دايم مشغوله
بدت عطلة نصف السنه<<<<<<<<<<
بقى على العرس يومين وبيت ابو الوليد صاير حوسه
شوق :مماتي مماتي
ام الوليد :سمي ياماما
شوق: مماتي البنات بيجون بعد شوي حق الحنه خلي الخدمات يجهزون الملحق الي عند البركه
خالد: أي بنات
شوق: غلا وشهد صديقاتي وبنات خالتي وعماتي
خالد يستغل الفرصه : الي كانوا معاك با المجمع ذاك اليوم
شوق: أي
)خالد واخيراً عرفتها بس هي وش اسمها انا اعرف الشكل بس بس اخرتي بعرفها وانا خالد ولد ناصر(
..........: السلام عليكم
الكل يلتفت على الصوت وعليكم السلام والرحمه
الكل فاتح فمه مستغرب من المفاجأة او (المفاجعه)لانه قال مايقدر يرجع لان مافي حجز راحت ام الوليد وهي تصيح وتضم مشاري : هلا والله بالغالي وتبوس فيه
طبعاً مشاري كان شكله متغير
ابو الوليد : هلا هلا والله بوليدي انورت السعوديه بنورك
فيصل يضحك : هههههههه يبه قويه السعوديه مره وحده ترى حده غرفته حتى البيت ما يقدر عليه
الكل يضحك : ههههههههههههههههه
سلم مشاري على اخوانه وراح عند شوق وقال لها :هلا بالعروس
شوق ماقدرة تتحمل حضنته وقعدت تصيح : اشتقت لك والله وحشني موووووووووت
شوي يدق جوال شوق وكان جنب خالد خالد يشوف الشاشه :غلا روحي: يقول في خاطره اكيد هذا غلا صديقتها
خالد : شوق جوالك
ترفع شوق وترد و بلى الغلط أضغطة سبيكر
طبعاً ألهبله غلا : هلا وغلا فيني ههههههههه
شوق ما تدري وش تسوي ارتبكة قدام اخوانها
حطت السماعه وردت: هلا فيك
غلا: احنا ملطوعين صار لنا ساعه عند الباب
شوق: اوكي انا جايه
خالد كان في عالم ثاني من سمع صوته ولا ضحكتها تشقق من قلب وهو مو حس بنفسه ابتسم
... اربع ... اربع حروف و يزيد حبي...
اربع حروف و ايفز قلبي...
انت الغلا ميزك ربي ...
قلبي انا منك صويبي..
فيصل : على شنو تبتسم
خالد انتبه لنفسه : لا بس تذكرة شي
.... راحت شوق ودخلة غلا وشهد الغرفة الزوجاجيه الي تطل على المسبح قعدو البنات سوالف وضحك وقالت شوق لهم ان اخوها رجع من السفر وتحمدو له بسلامه
شوي يجون بنات عمته وخالته وسوالف الين ماجات الحنايه وتحنو وكل واحد راح بيته
>>>>>>>>>>>>>اليوم الموعود<<<<<<<<<<<
اليوم يوم العرس
,,,, بيت ابو الوليد حوسه اليوم عرس بندر
,,,,, بيت ابو عبد الله بعد حوسه اليوم عرس بنتهم الوحيده
,,,,,, وبيت ابو نايف معاهم لان غلا صديقة شوق الروح بروح ونايف صديق بندر الروح بروح على انه مو راضي على اساس الزوج
شهد وغلا ومها مرة عبدالله والعروس شهد راحوا مشغل اللمسه الاخيره
وندى ونور وهدى راحوا مشغل دار نجد
.................................................. .........................
شوق : ووووواووو وش كل هذا الجمال
غلا : مشكوره عيونك الحلوه انتي الي طالعه قمر
شوق :ما راح افرط فيك لازم اخطبك لخوي
غلا تذكرة خالد وضحكة
تدخل شهد عليهم بغرفته مكياج العروس....
غلا : وش كل ها لحلا ما توقعت تطلعين كذا شعرك مررره حلو
)طبعاً العروس .. شوق .. مكياجه ثقيل اسود على ذهبي وكانت رسمة عيونه مره حلوه لانه ناعسه ولون عيونه العسلي مع المكياج كان بارز وكانت مسويه تسريحه ناعمه على فوق وفوقه الطرحه وحركته خليجيه .. يعني طلعت روووعه)
)اما غلا كانت حاطه مكياج على لون الفستان تركواز على فوشي ولابسه عدسات ازرق غامق مرررره حلو شكلها وشعره غيرت لون الصبغه والخصل صار لونهم احمر ناري ومسويه حركه خفيفه على جنب (
) اما شهد كانت غريبة وروعه وحلوة في نفس الوقت المكياج لونه زيتي على وردي فاتح وشعرها طال شوي وصار تحت اذنها ومسويه خصل بيج رفيعه وتسريحه كلها خصل جل متفرقه ومرفوعه على فوق وعلى جنب اذنها حاطه ورده وردي على زيتي (
شوق : غلا تعالي ساعديني بلبس الفستان ما بقى شي ويجي خالد يا خذني
غلا : انشاء الله
)فستان شوق مسويه المصمم اللبناني زهير مراد وكان لونه سكري ومنقوش من تحت بالذهبي الفاتح ومن فوق على شكل هاي نك ومن ورى كله سلاسل من عند الرقبه الى الخصر (
غلا لمت شوق وعينه كلها دموع : بتوحشيني يا قلبي
شوق مسكه عبرتها : انتي اكثر
طلعو من غرفة الملابس وقعدو مع شهد وشهد كانت لابسه الفستان لان هم على طول بروحون الفندق (فستان ناعم مره كان علاق من فوق وكله شك بالون الوردي والزيتي ومن تحت مثل التنوره على جنب طبقات وردي على زيتي ولابسه صندل احباله نفس لون الفستان)
غلا: انا بروح البس فستاني الكل لبس الى انا
)فستان غلا هاي نك من فوق بلون فوشي وتطريز بلون تركوازومن ورى عاري الى الخصر وسلاسله نازله من فوق الى خصرها ومن تحت من قدام قصير ومن ورى طويل على شكل ذيل وكان درجات التركواز والفوشي والشي الغريب انها كانت لا بسه بوت طويل كله شك نفس لون الفستان جد رووووعه(
شوق: لا انتي واختك بتغطون علي
غلا +شهد :هههههههههههه
مها: الله وش كل هذا الزين
الكل : تسلمين
مها : شوق دق خالد
شوق : بطريق
..... راحت شوق وراحو وراها شهد وغلا الفندق
<<<<<<<<< بالقاعه<<<<<<<<<<<<<<<<<<<
غلا وشوق داخلين والكل بياكلهم بعيونهم غلا وشهد شافوا ندى كان ماي بارد ان كب عليهم وعرفوا ان ندى اخت المعرس
)طبعا ندى كانت ناعمه مره وتفاجئو كانو يتوقعون اخت المعرس تكون كشخه بعرس اخوها ندى لابسه فستان حرير الوانه متداخله اصفر وتركواز وعنابي الضراحه حلو عليها وحركته من عند الرقبه ربطه ومكياجها مكياج طاووس لان نفس الوان الفستان وشعره مسويته فير(
)وكانت نور اخت ندى واففه جنب ندى وكانت لا بسه فستان اسود من دون علاق وفيه شك كرتال مع مكياج سموك وكان شعره مسويه تسريحه غريبه شي نازل وشي مرفوع وفيه كرستال(
القاعه كانت روووووعه وكله شاشات عرض تعرض قاعه الرجال لان هناك عرضه والكوشه كانت خيال
وكان ربشه الكل يرقص
غلا قهده مع امه وشهد بطاوله وطبعا ام العروس كانت عند الباب تستقبل الضيوف
غلا : انا بروح اشوف شوق
ام نايف : لا تطولين
راحت غلا عند شوق وكانت المصوره (مدام غالي ) تصور شوق وصورت شوق مع غلا وراحت لان اخوان شوق بيصورون معها
صارة ساعه الصفر بنسبه لشوق
القاعه كلها مظلمه بس الشموع الي على الطاولات منوره لحن كلاسيك ينفتح الباب الانوار تنفتح شوي شوي
مبــــــــــروك مبـــــــــــــــــروك عروستنا يرب بارك عرســــــــــــــــــــــ ــــها مبــــــــــــــــروك عروستنا
)زفة يوسف العماني)
تمشي شوق بخطوات هاديه والكل منبهر من جمالها والدخان كان من حولها كانها طالعه من حلم الين موصلة للكوشه
بدا الرقص والهيصه
شوي اخوان العروس يبون يدخلون يسلمون عليها تغطوا الحريم
دخل ابو الوليد وهو فرحان وزعلان بنفس الوقت على بنته الوحيده واخر العنقود
ويدخل وراه الوليد خالد مشاري فيصل وسلموا عليها وهي شوي وتصيح بس ماسكه عمرها
طبعا الشباب قاموا يعرضون على العرض الي موجوده بقاعه الرجال وكل واحد يقول وش زود عندي والحريم مستانسين من المزاين الي يرقصون قدامهم
.................................................. .................<< صار وقت المعرس
.. دخل بندر بذاك البشت الاسود الي يشوفه يقول امير وكان على يمينه ندى ويساره نور (يعنني مسوين حركه(
وصل للكوشه باس راس شوق وطبعا انبهر فيها بس كل هذا مهمه لان في باله شي
امه ترقص قدامه وتصيح ومعها نور وندى يرقصون
التفت بندر على شوق لقاه تبتسم ولا شعورياً ابتسم لها مسك بندر يد شوق وطالعو من القاعه ورحوا غرفة العروس واستلمتهم المصوره تصوير والمسكينه ميته من الحيه
)ودامت دياركم عامره بالأفراح والمسرات(
كلووووووووووووووووووووووو وولوش
مشاري وفيصل : يالله يامعرس بنوصلك المطار
بندر : لا تكلفون على نفسكم بروح بسيارتي بعدين بياخذه سعود من المطار
مشاري : وش دعوه انت الغالي زوج الغاليه
بندر: يعني غالي بس عشان زوج الغاليه
فيصل : احنا شارين رجال وغلاتك من غلا شوق تدري شوق غاليه علينا كلنا البنت الوحيدة واخر العنقود
مشاري : انتبه تراها مدلعه مره واي شي تبيه لازم تاخذه الله يعينك يبيلك مزانيه كامله
بندر: بمكر يمثل دور العاشق: اهي تامر بس اعيوني لها
فيصل:ترى كذا ما نقدر
مشاري : خلاص قررت اتزوج اذا الزوج حلو كذا دلع في دلع
شوق تكلمت بعد صمت : ياليت
بندر يطالع شوق وهو يبتسم : ما بغينا نسمع صوتك
)ماعرف شلون طلعت منه الكلمه على انه مكان مهتم فيها من البدايه بس كان يتمنى يسمع صوتها من يوم الشوفه)
شوق نزلت راسها واحمر وجها
مشاري: فديت الي يستحون
فيصل : يالله ترى بتطير الطيارة وبتقضون شهر العسل هينا
)بندر في خاطره ياليت انا ما ابي اسافر بس ابوي الح علي وما بغيت يشك فيني(
بندر: توكلنا على الله
بندر يكلم شوق: وين شنطتك
شوق مستحيه: بسيارة خالد
مشاري: انا بجيبها من سيارة خالد
<<<<< سلمت شوق على ابوه وامها واخوانها وبندر نفس الشي
ركبوا سياره فيصل (مرسيدس جيب(
.. وطول الطريق سوالف الشباب مع بعض وشوق حتى لو اسألوها سوال تجاوب بختصر نعم او لا
شوق كانت ميته من المستحه وتقول انا مع اخواني ما اقدر اتكلم معه وشلون بكون معه بمكان واحد (وتذكرت وشلون بندر يطالعها ومعرفة وش تفسير نظرته(
شوي تسمع صوت دقة جوال وكان جوال بندر
بندر وهو مرتبك : هلا والله
ساره : هلا فيك يالقاطع انا الزعلانه وانا اللي ادق
بندر : اوكي انا بسياره اكلمك بعدين يا راشد
ساره : بندر وش فيك
بندر وهو خايف احد يسمع صوت سارة لانه كان عالي بس الحمد الله كان مشاري وفيصل يسولفون مع بعض
بندر: اوكي مع السلامه
وسكر التلفون قبل ما تكمل ساره وحس نفسه يرتجف وحرارته ترتفع بس عدة على خير بس مو كل مره تسلم الجره؛؛؛؛؛؛؛
<<<<<<<<<<<<<< وصلوا المطار
بندر وشوق قاعدين قاعه الانتظار
بندر: شوق
شوق : سم
بندر :تبين شي من الكوفي
شوق :لا تسلم
بندر :اوكي انا بروح وبرجع ما راح اطول
شوق : اوكي
راح بندر وما طول 5 دقايق ورجع ماسك قهوه وماي
بندر : تبين ماي
شوق : لامشكور
شوي يجي مشاري وفيصل
مشاري :بندر هذا الجواز وتذاكر وكل شي خالص
بندر: مشكورين ما قصرتوا
فيصل : احنا اهل
مشاري : اوكي انا نخليكم
وراح عند شوق وسلم عليها شوق وهي بتصيح :مشاري فديتك متى بتسافر
مشاري : مدري يمكن بعد اسبوع
شوق: تروح وترجع بسلامه يالغالي
مشاري : الله يسلمك من كل شر
فيصل :يا لله شوقي اشوفك على خير و هالله هالله ببندر
شوق : انشاء الله(في خاطرها هو في قلبي اول ما طاحة عيني عليه)
سلموا الشباب على بندر
مشاري : ديربالك عليها يا النسيب
بندر:انت تامر يالحبيب
فيصل : حلوه على القافيه
بندر: هههههه اعجبك
شوي ويطلع قلب شوق من ضحكته آه آه آه فديته فديت ضحكته
يا ترى وش بيصير بشهر العسل؟؟؟؟؟
وبندر بينسى مخططاته ؟؟؟؟؟
وخالد بيخطب غلا ولا بيصير شي؟؟؟؟؟؟؟؟
ومين هذا الي تكلمه على المسنجر شهد؟؟؟؟؟؟؟؟
وبندر بينسى ساره؟؟؟؟؟؟؟؟؟؟؟


-------------------------------------

[صمت المشاعر]

وينكم يا حلوين اعطيكم التكمله ولا ماتبون التكمله
اسعدوني بتواجدكم