| | |
 | | |  |
| اعزائي : زوار منتديات الحجاز يجب عليك استخدام متصفح قوقل كروم للتحميله من هنا لتصفح الموقع بشكل افضل بخصوص المشرفين وطلب الاشراف و الاعفاء من الاشراف هنا اي مشاكل تقنية في المنتدي تواصل معنا من هنا نريد اعادة منتديات الحجاز للافضل و الاجمل إن شاء الله بكم  |
| ||||||
| التسجيل | المدونات | التعليمـــات | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
| آلــحــگـــوآتي تمتع بأجمل وأروع القصص الواقعية والخيالية |
 |
| | LinkBack | أدوات الموضوع | انواع عرض الموضوع |
08-06-2009, 09:39 AM
| #1 |
| مشرفة المحادثات والسنترال  تاريخ التسجيل: Dec 2008 الدولة: في قلب الورد
المشاركات: 2,401
معدل تقييم المستوى: 10  |  {}{}{}{}{اســهــر مــعــي لــيــلــه}{}{}{}{} هي مزيج بين الحقيقه والخيال ...امر قد يحدث وفعلا معظم احداثه قد حصلت لي ولكم ولكن مممممممممم....بطريقة ما .. نحن نخجل من ان نكون هكذا لكنها رواية جدذبتني بكل أحداتها لذلك نقلتها لكم هى طويله لكن ممتعه جدا ماراح تندمو اذا قريتوها  ((( اليوم أغادر دون أن يودعني احد أنا راحلة في بعثة دراسية لمدة سنتين لنيل درجة الماجستير ..اترك خلفي عهدا بالزواج أنا الخائنة فيه ...ووعدا بالبقاء مع رجل لن أبقى معه ...لا تظنوا به سوءا..انه رجل عظيم ..لكني اكتشفت أنني لست عظيمه)) الساعة الثامنة ونداء الطائرة الأخير ..تعلن الخطوط..... ...........وداعا يا أمي ركبت ألطائره وصورة أبي عالقة في ذهني ...لا تتركيه ابنتي بدون ماتواجهينه ...((فقط رجوته أن يكتم سر سفري وان لا يرافقني إلى المطار)) الموبايل مغلق منذ يومين إنا في غاية الخوف أظن انه ألان خلفي في المقعد الأخر وسينقض علي ويهشم راسي لخيانتي تلك نعم لقد خنتك يابن عمي عادل كان حلم الجميع..رجل وسيم وعصامي وجذاب جدا ..انه المسيطر أينما حل وانأ كنت حلمه الرقيق..لم أكن يوما اجروء على أن لا أحبه ..هو ليس مرعبا ولكنه مسيطر.. فقط ينظر بعينيه ويأمر فينفذ الجميع رغباته..تركه عمي مراهقا وحلق بعيدا كالطير من زهرة لزهره وهو تحمل الأمر وعمل بكد حتى يصنع مستقبل إخوته وأخواته لديه مكتبي مقاولات بناء..وعدة مشاريع شراكه مع أشخاص مهمين ..أظن أن أخته سلمى قالت ذات يوم أن دخله الشهري يتجاوز ال300 ألف بقليل ... هو حلم جميع الفتيات وحلمي أيضا حتى الشهر الفائت ..قابلته في بيت عمي وأخبرته أنني حصلت على بعثه لبريطانيا لدراسة الماجستير في هندسة الحاسوب نظرا لتفوقي الشديد عادل : الغي البعثه ليلى : لبش عاد..كلها سنتين وبرجع وبنتزوج عادل عادل : ابوي بعد قال كلها كم يوم وبرد وصار له13 سنه ماسال فينا ليلى : انا مو ابوك عادل: وانا مو مثل ماكنت قبل 13 سنه : شقصدك :مليت انطر اللي احبهم : بتظلين بالديرة ودرسي هني اللي تبينه ولاتشيلين هم الفلوس ...انا حاضر لج : من قال ان السالفه فلوس..انا ابي اصنع نفسي واكون شخص مستقل بذاته : كانج تقولين انج تبين تكونين مستقله حتى عن زوجج طالعني بنظرات امره وماقدرت اجاريه وقلت له خلاص اللي تبيه ابتسم وقال ..اي حياتي انا اعرف ان اللي ابيه اهو الصح لنا اثنينا كان الف سؤال يدور براسي ..شلون بكمل مع شخص يقرر عني كل شي ؟ شلون بواجههه لو حسيته غلطان ..وفجاة حسيت اني ضعيفه وماقدر اكمل مع جبروته وقوته فقررت الهرب بدون علمه ((كل اللي كان في بالي اني لما ارجع بنتصالح وبنرد لبعض ونعيش في تبات ونبات)) صدقوني اكاد اسمع صوت زمجرته وانا فوق السحاب اسمع تكسر الاشياء في مكتبه بعد ان قرأ الورقه ..لم اكتب له الكثير فقط ((انا اسفه ..سافرت في بعثتي ولن اعود حتى في الاجازات ..لا تبحث عني وانسى امري فوالدي موافق رغم اسفه على علاقتنا لم اكن اتمنى الوصول لهذه النهايه )) اعلن الكابتن هبوط الطائره في مطار هيثرو وانا كنت ارتجف خوفا من عادل لحد الان ............................. وداعا ياكل شيء..انا سافرت حتى اتغير...........لطالما حلمت بالسفر وحدي ............ ولن يمنعني احد من التجربه ..حتى انت ياحبيب العمر اللايام الاولى هنا كانت ممله للغايه تنقلات بين المكتبات والمرشدين وووووووو بدات الدراسة بجد وتناسيت خوفي وانهمكت في حياة جديد تعرفت الى مجموعه لطيفه من الدارسين هناك لمياء من الكويت وسعود من السعوديه وابي وثامر من العراق واخيرا انا من البحرين وجمانه من السعوديه كنا انا وجمانه لا نجيد التعبير عن انفسنا واقل الاعضاء انطلاقا ..فهي كانت من عائله محافظه وتعيش رعبا من ركوب مصعد مع شخص غريب اما انا فرعبي الوحيد كان عودتي الى وطني.............الباقين كانو طيبين بس ماكونت علاقات قويه معاهم الشهور تمر بسرعه وبدت الحياة تصير اسهل مع التعود والكل منغمس في الدراسه بس ساعات نجتمع بالمطاعم القريبه وتشترط جمانه انه يكون مطعم مسلم ويتطنز عليها سعود شوي ويرجع يعتذر ويقول كل شي ولا بنت المملكه كانت الاجازات تمر كئيبه وقاتله خصوصا مع سفر الكل وبقائي وحيده في بلد غريب بعد انتهاء الدراسه مرت سنتين بسرعه كلمح البصر ورجع الخوف من جديد خلال هالمدة كانت رسايلي ماتتوقف عن السؤال هل تزوج عادل؟؟ وكان الجواب دايما لا كنت افرح واخاف بنفس الوقت ..افرح لاني متصوره انه لازال يحبني..واتضايق لاني خايفه من يوم القاه ويحاسبني على هروبي!! عادل يافارس احلامي... في الطائره كان قلبي يدق بقوه كلما بينت الشاشه قصر المسافه الى البحرين وعيوني بتطلع احس اني مرعوبه ..بس انا ماعدت مثل قبل ..الغربة تغير الناس وانا اظن اني تغيرت وايد عن قبل ومادري اذا كان سهل علي ارجع تحت امر عادل او لاحتى لو كنت خايفه منه ومشتاقه اليه.... استقبلني ابوي وامي في المطاروركبنا السيارة امي ماوقفت دموعها من شافتني امي:ما ظنيت يابنتي باعيش وباجوفج رديتي :لا تقولين جذي يمه عسى عمرج طويل :البيت بلاج ظلام :وحياتي بلاكم اظلم والحمدلله انا مع بعض يمه وخلينا ننسى ابوي:شللي تبين تنسينه بالتحديد لولو مممم مادري يبه ..زكل شي كان يضايقني ابي انساه ابوي: حتى عادل حسيت انه قلبي طلع من صدري وهو يذكر اسمه :اهو...شخباره؟؟؟ :اخباره تسر..من نجاح لنجاح :مافكر يتزوج :سالته مره وتجاهلني فغيرت الموضوع اه منك ياعادل طول عمرك بحر ماحد يقدر يغوص فيه..من فوق هادي ومن اعماقه عواصف تقتل اي احد يفكر يقرب منك مادري ليش تمنيت لو انه تزوج وريحني من خوفي او من لحظه مابلقاه .....ياربيييييييييييييييي
الموضوع الأصلي : {}{}{}{}{اســهــر مــعــي لــيــلــه}{}{}{}{}
-||-
المصدر : منتديات حجازي
-||-
الكاتب : قطرالندى
__________________ [flash1=http://dc11.arabsh.com/i/02010/tjaejkw8z5cw.swf]WIDTH=462 HEIGHT=211[/flash1] [align=left]  http://www.formspring.me/nada1405 [/align] |
|      |
|
08-06-2009, 09:40 AM
| #2 |
| مشرفة المحادثات والسنترال تاريخ التسجيل: Dec 2008 الدولة: في قلب الورد
المشاركات: 2,401
معدل تقييم المستوى: 10 | ، ، ، ، وانا في السياره كانت نفسي مكسوره ..ماحد من هلي استقبلني بالمطار غير امي وابوي..المي كان احساس باني فعلا مجرمه على اللي سويته بس معقوله ماحد منهم التمس لي عذر او حس اني يمكن اكون ..؟؟؟اساسا انا ماكنت ادري شنو ممكن يكون تفكيري لو احد غيري سوا جذي...رجعنا البيت وامي وابوي يسولفون بصوت خفيض ولفت انتباهي الهمس بينهم بس ماحبيت اسال واللي فيني مكيفيني وزياده دخل ابوي اول وامي ظلت واقفة وموقفتني عند الباب وشوي دخلنا ولا .................................................. .......... ........................................... مفاجأة بنات عمي سلمى ودلال وعمتي موزه وبنات خالاتي الكل هناك كانو ناطريني وبيحتفلون برجعتي وانا اللي فكرت ماحد سال فيني الحفله كانت روعه وانا كنت ابي اي فرصه عشان انفرد بسلومه واسالها عن ؟؟؟ بعد ساعه ونص ابتدو الاهل يخفون ويتعذرون باني توني راده من السفر ويمكن ابي ارتاح ؟؟اي راحه ياجماعه لما حسيت الكل مشغول لفيت على سلمى ورحنا الحديقه الخلفيه للبيت من باب المطبخ طلعنا وقعدنا نسولف :سولي ابي انشدج شغله :امريني لولو :بس لاتزعلين :تبين تسالين عنه :مممممم :اهو زين..بس مايحب يذكر طاريج لولو لابخير ولا بشر ..سامحيني :عادي..اصلا انا يسعدني انه مو متأثر باللي صار : ومنو قاللج انه مو متأثر. :شلون يعني اذا ماكان يحب ذكر اي شي عني :عادل عقب ماسافرتي صار احن علينا من قبل ..تذكرين لولو شلون كان يهاوشنا لو قلنا نبي نروح عند صديقاتنا او عرس او حفله ولوما وجودج ماكان يقبل يخلينا نروح..الحين احسه صار خايف رغم انه مايبين هالشي من انا احنا بعد نشرد ونخلي البيت باي لحظه حسيت انه دموعي بتحرق ويهي من كلام سلمى ..بس انا اعرف ان سلمى ماتكذب ومابتزيد شي على اللي يصير اساسا اهي قبل ماكانت تحب اخوها بسبب تصرفاته معاها اهي ودلاال بس الحين احس انه عندها تعاطف كبير معاه رغم انها لازالت تاكد انه دايما جاد وصارم في قوانينه معاهم بس شوية لين ماتضر. اخذنا الحجي وحبيت اودعهم لين الباب بس خفت يكون عادل اهو اللي جاي ياردهم البيت فودعتها من الحديقه وراحت ..دخلت المطبخ اشرب ماي وقعدت على الكرسي وحطيت راسي عالطاوله وبكيت انا شسويت وليش وصلت لهانهايه باب المطبخ اللي يطل عالحديقه كان نصه شبك والصوت من خلف الشبك كان هادي ومخيف :حمدالله عالسلامه ليلى . ماطالعت مكان الصوت حسيت ان ملك الموت وصل وبسرعه كنت بشرد للصاله بدون ماطالع صاحب الصوت احس ان قلبي بنفجر بصدري من الخوف بس اهو كانت حركته اسرع وصك باب المطبخ اللي يطل على الصاله وصرت انا بين الباب وبين ايده اللي صكت الباب كنت اطالع الباب وماني محركه راسي وصوت كان هادي وهو يقول :طالعيني ليلى :شششخخبارك عا.......... :تسالين عن اخباري...والله انج اصيله . كانت انفاسي بتنقطع وهو يامرني ارفع راسي بس انا كنت خايفه ماقدرت غمضت عيوني وظليت ابكي ..كنت اتكلم بهمس واقوله اني غلطانه وسامحني واي كثر احس اني ماستاهله بس ماقدرت احط عيني بعينه ..قال لي جمله وحده وعقبها ماعدت اسمع صوته بالمطبخ :لاتتاسفين يابنت عمي انت عندي ماتسوين نعالي فتحت عيوني ادور عليه ماكان موجود وظل كلامه يرن باذوني ((انتي عندي ماتسوين نعالي)) هالجمله هدأتني فعلا وفجاة حسيت اني تخلصت من هم كبير كان رابض على صدري لانه مو مهتم بس عاد الله يسامحك ياعادل نعالك عاد... صحيت الصبح تعبانه وراسي يالمني حيل وسويت لي كوفي ثقيل يعدل مزاجي وقعدت مع ابوي وامي بالصاله ابوي:ها لولو شنو بتسوين الحين عقب الماجستير. :انا بسلم الشهاده للشركه اللي ابتعثتني ووظيفتي فيها مضمونه يبه . ابوي:يعني شنو وظيفتج بتكون :يبه انا الحين غالبا بمسك شئون الادارة الخارجيه اللي لها علاقة بتخصصي. : يعني شلون خارجيه وين يعني :يعني الدول اللي تتعامل معاها الشركه : يعني سفر بعد؟؟؟ :احتتممال يبه :بس يابنتي انتي بنت ومو معقوله كل ساعه والثانيه مسافره ديره. : يعني شلون يبه بنت ..انا كبيره واشتغل بشركه محترمه ومسؤله عن تصرفاتي. :ليلى الناس ماتفهم هالكلام ..يابنتي انا عانيت وايد من الحجي اللي انقال لما خليتي خطيبج وشردتي . وكفايه عاد لي هني ..انا وامج نبيج تستقرين وتتزوجين يابوج : معقوله يبه عقب هالدراسه والتعب تبيني اعلق الشهاده واتزوج من واحد مايبيني الا اربي عيال. : من قال جدي ..تزوجي ..واشتغلي بالديره ..وييبي عيال يابنت انتي مو صغيره عمرج 27 سنه وللحين............ :مشكور يبه ..عموما حسك في الدنيا وماني بعازة ريال وانت على راسي : وولد عمج اللي ماتزوج لحين وناطر؟؟ : اطمن يبه ولد عمي مايبيني .........ودمعت عيوني وماحسيت الا وانا اركض لحجرتي وابكي ((ماعاد عادل يبيني . قالها بنفسه امس وكررتها على نفسي اليوم ((انا عنده ماسوى نعاله..ومنهو يبي وحده ماتسوى نعاله)) في مكتب عادل : عادل: هلا والله بعمي . قرت عينك بردة ليلى العم: بويه نبيك ياوليدي . عادل: شنو تحب تشرب عمي العم: انا مو جايك اشرب انا جايك بطلب.. :تامر على راسي عممي :بغيتك تجينا مع الوالدة وتخطبون ليلى.... :بس ياعمي تو الناس على هالموضوع بنتك توها راده من السفر امس؟؟؟؟ : انت تعال ولاتهتم انا اللي اعرضها عليك ومابيك تهتم بشي ثاني .. : بس ياعمي : شنو ماتبها :من قال هالكلام ياعمي ..ليلى الف من يتمناها .....بس انا مو مستعد للزواج الحين.. :جنك تقوللي انك ماتبيها ياولد خوي بس ماتبي تحرجني :اكذب عليك ياعمي لوقلت ابيها..بس انت عمي وتاج راسي وتامر على وتشيخ :بدون رضاك :رضاي مو مهمم اهم شي رضاك : الله يسامحك ياولد اخوي ليلى ماهي برميه ولاهي ببايره علشان اجبرك عليها وماينجبر قلبن على قلب :معاذ الله يكون هذا قصدي ...........بس انت ماترضاها لي ياعمي ..ادبج ورا وحده شردت عني وخلتني شنوماكانت اسبابها حتى لو كانت بنت عمي..وبعدين مو يمكن تكون غيرت رايها وماعادت تبيني : يييييييييمكن انا اخليك الحين :تو الناس عمي اقعد شوي :لاياولد اخوي ...مع السلامه :شرفتني ياعمي ابوي رد البيت وحالته كرب كان العرق يزخ من جبينه وجسمه يرجف ..دخل غرفته وامي دشت وراهوسمعته يبجي اي والله ابوي كان يبجي كان يكلم امي ويقول لها ((خلاص يام سالم الولد مايبيها نفسه طابت منها وماعاد يبي يتزوجها ..خلاص يام سالم باموت وماباجوفها منستره ببيت زوجها الولد وخلانا وسافر ومايبي يرد والبنيه وبتضيع روحها بهالشغله ومافي ريال بيفكر يتقدم لها ان صارت تسافر من ديرة لديرة ..وانا اللي القهر بيقصر عمري )) ياربييييييييييي ابوي كلم عادل وقاله انه مايبيني ..معقوله ياولد عمي نفسك طابت منى . انا ليلى ..ليلى ياعادل ابوي كان يعيش ازمة كبيرة من لما سافر اخوي سلوم كندا يدرس وهناك تعرف على وحده فرنسيه وتزوجها وزارنا وياها مره من اربع سنوات والحين اهو يطرش رسايل في المناسبات ..بس الحين ازمته اكبر لانه يبي يزوجني ويرتاح من شيل همي قبل لا .................لله لايقوله يبه ويخليك لي بببعد اسبوع الحياة ابتدت تهداوانا التحقت بوظيفتي بشركة اتصالات كبيرة وفي البدايه كنت فرحانه بالمنصب الجديد والراتب العالي حتى ابوي لما درى عن راتبي احسه كان فرحان مع انا مو قاصر علينا شي بس حلو ان الانسان تكون عنده مداخيل عاليه واندمجت بحياتي الجديده والناس والموظفين والمسؤلين وطلعات وعزايم ....امور محتاجه منني لاهتمام اكثر بشكلي ولبسي ومظهري.............اتصلت لسلمى ابيها تطلع معاي السوق كانت فرحانه ومريتها بسيارتي اللي من الشركة عطوني اياها مؤقت لين اشتري سياره لان شغلي دايما فيه تنقلات ..وفي السوق كات سلمى دايما تعلق على اختياراتي ....هذا قصير.........هذا مكشوف..هذا مايناسب ..اخرتها دخلنا محل حلو اخترت لي مننه تنوره قصيره وبلوزه بازره مفتوحه شوي عند الرقبه جربته وكانت سلمى تطالعني باعجاب وتقولي :احس ان ذوقج تغير :شلون يعني :صار جريء :عادي .....كل البنات تلبس جذي . :مممادري بس احنا مو متعودين نلبس جذي : حبيبتي الدنيا تغيرت ولازم نجاريها ضحكت سلمى واختارت لها بلوزه وبنطلون دزاين الستينات بس موضته دارجه هاليومين كان ناعم عليها وعجبني بس ماكان يناسب الشغل ((كاجوال)) طلعنا من المحل ودرنا بالمجمعات شوي وقررنا نقعد ناكل بالمطاعم .طلبنا الاكل وقعدنا نسولف شوي سولي: تدرين ان امي تلح على عادل هالايام بموضوع الزواج؟ :شرقت وظليت ادوفع الاكل وسالتها :وهو شقال ؟؟؟؟ :قال مو الحين :ليش .........ماقال ليش :قال انه عمي عرض عليه انه يتزوجج وهو قاله انه مايفكر بالزواج الحين ومايبي يحسس عمي بالحرج ويتزوج في نفس الفتره ..علشان جدي قال لامي تنطر شوي لين تهدا الاوضاع : اي اوضاع ..شنو مفكر نفسه اخوج؟؟ :لولو انا مابيج تزعلين بس انتي اللي سويتيه ماكان سهل :بس مو من حقه يعامل ابوي بهالاسلوب ..يعني ينتقم منني بهالطريقه :عادل ماقال لعمي شي ..اهو بس قالله انه مايفكر الحين بالموضوع وعمي فهم السالفه :اكيد بيفهم بس اللي لازم يفهم الحين مو عمج اللي لازم يفهم اخوج؟؟؟؟ طلعنا وانا النار تسري بعروقي والقهر ذابحني يبي يجامل عمه فيني ولما وصلت سلمى بيتهم قررت مباشره اروح لعادل مكتبه ..وصلت المكتب ..كل شي تغير مو مثل ماكان قبل سنتين طلبت اقابله وانا مقهوره ولما قالت لي السكرتيره من تقول له ...خفت وترددت ..هذي بتكون اول مواجهه واضحههه بيننا من رديت من سفرتيطلع عادل من المكتب وشافني اتتأتئ وانا اكلم السكرتيره ..فتح باب المكتب عالاخر وقاللي بهدوء(( تو مانور المكتب يابنت عمي ))
__________________ [flash1=http://dc11.arabsh.com/i/02010/tjaejkw8z5cw.swf]WIDTH=462 HEIGHT=211[/flash1] [align=left] http://www.formspring.me/nada1405 [/align] |
|
| |
|
08-06-2009, 09:41 AM
| #3 |
| مشرفة المحادثات والسنترال تاريخ التسجيل: Dec 2008 الدولة: في قلب الورد
المشاركات: 2,401
معدل تقييم المستوى: 10 | ، ، ، ، قد يصنع الحب احلى المعجزات لكنه ايضا قد يصنع الكوارث ليت ربي ماكتب لحظة وداع ولافراق ولادموع ولاضياع ليت كل الناس خل مع خليل وكل ماقيل النهاية بين الاحباب الرحيل قلت احبه حيل لو يوقف لحظة الفرح الزمان والمكان عيونك انت احلى مكان في يدي يديك والحاسد ذليل وان غدت كل الاماني في يدي ابتدي مع كل لحظة تبتدي اعشق الدنيا مثل طير جميل اه ياحلو الامل والذكريات والسعادة ماتجي بالامنيات صبحها يبطي وانا ليلي طويل في اللحظه اللي كنت بدخل المكتب حسيت اني مشلوله من شوفته مادري ليش فكرت اني ماشردت منه بدون ماخبره الا لانه اكيد بيأثر علي وبيخليني اتراجع ..هالانسان فيه سيطرة مو طبيعيه وصعب اني مااتأثر بنظراته ..نظرات كانت ماتشوف غيري والحين تطالعني ببرود وهدوء مو طبيعي ..نفسي توسوس لي اني امشي واترك المكان وعقلي يقوللي كافي قلة حشيمه لنفسج وللي حواليج دخلت وقلبي ينادي بشوق ايام ماظنتي ترجع وظنيت ببالي انه بيعاتبني وبياخذ يدي بيده وبنتصالح (( انا مو ظنيت انا كنت ابي هالشي يصير ))من كثر شرودي ماكنت منتبهه ان في احد غيرنا بالمكتب ومباشره صكيت الباب وراي وقلت بهدوء ورجا ((عادل ليش تعاملني بهالطريقه ,, اذا مو علشاني تكفى تراعي شعور ابوي ))وكنت انطره يطالعني بس عيونه كانت وراي على الكراسي اللي بالزاويه وويهه كان جامد جنه من صخر وفجأه تكلم ينادي احد وراي ويقولله................ : محمد ..تعال سلم على ليلى .. منهو هذا محمد ..وفريت راسي ابي اعرف هالمحمد بس ماعرفته..واحد طويل وعريض ولابس بدله بدون نكتاي وقميصه مفتوح عندالصدر ماعجبتني نظراته كان يحرك عيونه ببطء علي من راسي لين ريلي وانا كنت لابسه تنوره قصيرة وحسيت انه نظراته وقحه زياده عن اللزوم طالعته بغضب وسالته بوقاحه اكثر من وقاحة نظراته ((كملت رسم الخريطه ؟؟؟؟)) عيونه جت على عادل واحس انه انتبه وابتسم بكل برود وقال لي((بحكم كوني مهندس انا احب اصمم الخرايط وما انقل الاشياء المعروضه بكل مكان )) حسيت اني بكفخه على ويهه لولا تدخل عادل وقال له : محمد رجاء لاتستخدم هالاسلوب مع ليلى ولا نسيت انها بنت خالتك.. اي ولد خاله هذا اللي ماعرفه محمد: ليش اهي تعرفني حتى ..ثم انها بنت خالة امي مو بنت خالتي عادل : خلاص عاد ...والحين ابيك تعذرني ولا تحاتي نسبتك من الارباح كل شي بيكون موثق مثل ماتحب محمد:عموما الحمدالله عالسلامه ليلى وانا كنت ماشي فعلا طالعني بنظره فيها سخريه ومشى ...والله يقهر هالريال لما طلع محمد من المكتب هب عادل فيني واستلمني صراخ : انتي شفيج ..لا حيا ولا مستحى ..ترادديين ريال غريب وكأنج ماسويتي شي : ليش انا شسويت :انتي شفتي شنو لابسه ....ولا تبين الناس تشوف المنكر وتطنش..ولا لان ماعندج اخو يغار على عرضه ومستغله طيبة قلب عمي تمشين جذي (( مالج حسيب)) : اللي انا لابسته محترم ومالي شغل في تفكير الناس :ممتاز عيل خليهم يفكرون على راحتهم ويشكون حتى في اخلاقج مادمتى حابه تلبسين هاللبس الفاضح حسيت اني ابي ابكي من كلامه وسكت وبحلجي غصه وماقدرت ارد عليه عادل:يابنت عمي ..اذا الزمن ماكتب لنا انا نكون لبعض مو معنى هالشي اني ابيج تظلين جدي ..يهمني وايد اني اشوفج عروس ومثل ما اهتم بسلمى ودلال يهمني بعد اسمع انج سعيده :وفر على نفسك ياولد عمي هالكلام ..انا مابي احد يشغل نفسه فيني ..ابي بس تخلوني بحالي ..ياخي ولاتحاتي ابوي ..تزوج ولايهمك ضحك عادل وكانه سمع اخر نكته وقال لي : واي غبي قال لج اني مابي اتزوج علشانج او علشان عمي... :انت قلت لللللللامك هالكلام ووو : لحقت سلوم وصلت لج الاخبار..مشغلتها جاسوسه علي ..عيل سمعي يابنت عمي ..اول ماشردتي مثل الحراميه من الديره ..انا ماصدقت وظليت اقنع نفسي انج بتردين بسرعه ندمانه بس انتي طولتي واشوي شوي ابتديت احس ان لوماكنتي فعلامرخصتني مارحتي ((وقلت بقلبي مانتي احسن من عمج اللي شرد وخلا لي 3 اخوان اربيهم وام اراعيها)) ومن يومها يابنت الناس وانتي اختي ومو انا اللي انتقم من احد بهالاساليب والحين ابيج تردين بيتج وتقررين تغيرين اسلوب لبسج وتسترين على نفسج وعلى ابوج وتنطرين نشوف لج ولد حلال ياخذج ويرتاح بال عمي وارتاح انا بعد من هم اخت من خواتي مادري شصار بس اللي اعرفه اني ضايعه وماحسيت الا وعادل ماسك يدي وماخذني للسياره..وصلني للبيت وانا ساكته ومانطقت ..دخلنا وامي وابوي بالصاله كان الوقت عصر والجو حلو وهم كانو بيطلعون الحديقه ..لما شافو عادل داخل معاي امي قامت تلولش وتيبب وتقول الحمدلله اللي ردكم لبعض دخلت حجرتي وعادل راح معاهم الحديقه وظليت ابكي ابكي ابكي مادري متى هديت ونمت .................... صحيت الساعه 3 بالليل الكل كان نايم نزلت المطبخ يوعانه ابي اكل اي شي يخفف من الم معدتي قعدت استرجع شريط اليوم كله ووصلت لخلاصة اني استاهل كل اللي يصير لي وحسيت اني فعلا مصدر ازعاج لامي وابوي ليش لا وهما ماصدقو يشوفون عادل داخل معاي البيت وياترى شقال لهم ...........عقب مده قررت بيني وبين نفسي اني اهدي وماسبب لاهلى شوشره لا بلبسي ولا بعلاقتي مع عادل اللي انتهت كليا حتى اني شريت هدوم اكثر حشمه مع اني ماني مقتنعه ان الهدوم اللي عندي فاضحه ومرت الاسابيع اللي عقب هاليوم هاديه والظاهر ان الوالده درت باللي صار ومافتحت معاي موضوع عادل او اي شي ثاني ...وماعدت اشوف عادل وحتى سلمى ماقامت تتصل فيني .انعرضت على الشركه مجموعة صفقات من شركه ثانيه لها فروع في اماكن عديده بالخليج وتخطط تفتح فرع بالديره بصفة الشراكه وكان لازم اسافر اللى دبي والكويت ويمكن حتى ماليزيا اذا استدعى الموضوع بس المشكله شلون بقنع ابوي بكل هالسفرات وشنو بيكون رده لما فاتحت ابوي بالموضوع زعل وحمق وقال لي انه موب راضي اسافر مادمت تحت عينه وانه مايبي الناس تاكل ويهه (( بعد بعثه وقلنا تحت عيون الدوله ومافيها شي بس سفرات وطلعات وعزايم وبروحج لا)) انا مو طرطور بهالبيت كلمته وترجيته وحاولت معاه وعقب دموع ورجا قال لي بكل هدوء ابوي: انا مستعد اوافق لكن بشرط : اشرط يبه الي تبي :اكلم ولد عمج واشاوره واذا قبل اخليج تسافرين :نعم ولد عمي ومنهو يكون علشان تكلمه :يكون ولد اخوي..وكبير العايله من بعدي وريال يرفع الراس وشوره ماشي حتى لو غصبن عنج : بس يبه هذا حرام ..انت تدري انه يكرهني ومابيخليني اسافر : لو حسيت انه يكرهج ماقررت اشاوره ..انتي تظنين انه عادل يسمح ان تؤثر عواطفه على مروئته وشهامته لا يابنتي هذا اصيل ويهمه مصلحتج حتى لو ماكان يبيج : يعني شلون يبه راحت علي السفره والترقيه .. :اسالي ولد عمج. ابوي مامهلني شلون اسال الريال اللي قال لي اني عنده ماسوى نعاله..واكيد باشوف الشماته بعينه لانه بيمنعني من السفر ..اتصل ابوي عليه وخبره عن السالفه وعقب ساعه بالضبط كان عادل عندنا بالبيت لما شفته هبيت بويهه وقلت له :ها عادل ياي اليوم تشوف الحسره بعيوني وتراويني الشماته اللي بعيونك عادل: شخبارج ليلى : لولو ولا نسيت شلون تقولها لما تركتك وسافرت حسيت بعيونه تصغر وعضلات ويهه تصير اوضح وتنفسه بدا يصير صعب وشوي ويا ابوي ..عادل سلم عليه وباس راسه ويلس يمه عععادل : انا لما طلبتني ياعمي قررت ايي علشانك وعلشان موضوع اهم من السفر ابي اكلم ليلى فيه طالعته بقهر وقلت له : اخلص شبغيت . عادل طالع ابوي وابتسم له وقال :في واحد متقدم لبنتك ياعمي وطلب اني اكلمك بالموضوع ابوي وهو فرحان قال له: اذا تشوفه زين ياولدي انت اخوها وتشيخ شفيهم هذولي قاعدين يتفقون على وكأني خروف العيد صرخت في اللي قاعدين : انا مابي اتزوج ومو من حقكم تدللون علي مثل البايره وهاللي تقدم لي من وين شايفني مو يمكن ولد اخوك دافع له علشان يبتلش فيني وهو يفتك من همي مثل مايقول طالعني عادل بغضب وقال:لوماحشيمة عمي جان عرفت شلون اربيج بس لج راعي ينرد له الراس . ما انتبهت الا وصفعه قويه من ابوي طيحتني على الارض وكان بيكمل لومايوده عادل وترجاه يهدي ..زسحبتني امي لغرفتي وانا مصدومه وابكي ........اول مره بحياتي ابوي يطقني وكله من عادل اهو السبب حسيت انه فعلا ينتقم مني وقررت اني اسوي اللي ابيه غصبن عن الكل خصوصا عادل اللي عطاه ابوي السكين علشان يحطها على رقبتي ، ، ، ،
__________________ [flash1=http://dc11.arabsh.com/i/02010/tjaejkw8z5cw.swf]WIDTH=462 HEIGHT=211[/flash1] [align=left] http://www.formspring.me/nada1405 [/align] |
|
| |
|
08-06-2009, 09:42 AM
| #4 |
| مشرفة المحادثات والسنترال تاريخ التسجيل: Dec 2008 الدولة: في قلب الورد
المشاركات: 2,401
معدل تقييم المستوى: 10 | ، ، ، ، لما صحيت الصح نزلت المكتب ابي اعتذر لابوي عن اللي صار امس كانت امي تشربه حبوب الضغط مالة كل يوم ولما شافني قال لامي تطلعني بره وانه مايبي يكلمني .........والله قهر ليش العالم كله يكرهني ويعاديني حتى انت يابوي يا اغلى شي بحياتي شللي قسى قلبك على بنتك يابو سالم ..الله يسامحك ياعادل على كل اللي سويته..مادري شنو لازم اسوي علشان ارتاح..........ابي محبة ابوي تدوم ومابي يكدرها شي قضيت اليوم في حجرتي ارتب افكاري وقررت عقبها اني اتخذ خطوه تغير مجرى حياتي وتعطيني مجال من الحريه وماتسمح لا لعادل ولا لغيره انه يسير حياتي..انا حره ومابسمح لحد انه يسلب حريتي مني. بدلت هدومي وخبرت امي اني طالعه الشركه وبقضي كم شغله وطلبت منها تستسمح لي الوالد وخذيت السياره ورحت مكتب عادل....................السكرتيره عرفتني مباشره وطلبت مني انتظر لين يخلص عادل اجتماعه وطلبت لي قهوه ..عقب نص ساعه طلع عادل من المكتب وكان ويهه بشوش جدا ورحب فيني وطلب مني ادخل المكتب طبعا سلمت عليه وقعدنا بالمكتب وابتديت انا اكلمه : عادل انت تشك في اخلاقي عادل: انا مو ناطر تغلطين علشان امنعج من الغلط بحجة اني واثق فيج : بس انا ماسويت شي خطير..انا بسافر بشغل... : ليلى ..انتي ماتدرين يعني شنو مره بروحها في ديره غريبه..ماتفهمين نظرة الرياييل لوحده تسافر بدون راعيها وخصوصا اذا كانت بجمالج وباسلوب حياتج المتحرر :شفيه اسلوب حياتي انا حتى لبسي صرت احاسب فيه علشان ماتقول عني جذيه :وطلعاتج مع الرياييل للمطاعم والاماكن السياحيه مو شي :عادل هذا شغل وانا فيه مسؤله مو العب :هذا مسخرة وماتناسب سمعتنا هالطلعات :بس انا محتاجه اني اسافر واترقى واوصل : اذا العازه للفلوس فعمي مو مقصر عليج بشي وانا بعد حاضر : تتكلم وكأن الناس عايشه بس على صدقاتك : خلينا من هالموضوع وقولي لي عمي كلمج عن محمد ولا لا : اي محمد :محمد اللي شفتيه بمكتبي من مده ..يبي يتقدم لج : بس مبين عليه يدري عن علااااااااااااا : لا تكبرين الموضوع ليلى ...كنا بننخطب وماصار نصيب وخله يدري... : وشلي خلاه يقول لك انت بالذات : :لنفس الاسباب اللي ذكرتيها.. يبي يتاكد انه مافي شي بيننا..وهو له مصالح معاي في الشغل . :بس عادل انا مابي......... :ليلى خلاص ...........انسي :شقصدك يعني........وقبل لا تكمل كنت ابي اقول اني مابي اتزوج الحين :اوكي ليلى ..مثل ماتبين ...بس حطي في بالج ان الزواج بيخفف شوي من خوف ابوج عليج وبيعطيج الحرية انج تتصرفين بدون شورنا :يعني شلون ..شورك ..انت منو اصلا :انا ولد عمج..وفي الوقت اللي تركتي فيه امج وابوج ..وماكان اخوج يسأل كنت انا الموجود عند راسهم متى ما طلبو..انتي تدرين جم مرة ابوج طاح مريض في السنتين اللي فاتو...ولا حتى تحسين شقد امج كانت تعيش وتموت علشان تسمع صوتج......... : تبي تقول اني انانيه وانت الطيب :ابي اقول اصحي ولو شوي واهتمي بغيرج :انا زواج على كيفك مابتزوج ...ثم انت شفت الريال اللي تبي تورطني فيه شقد وقح وشكله ...... مادري اذا كان حلم ولا فلم هندي ...بس محمد كان فاتح المكتب ويقول بكل برووووووود محمد : شكلي مميز....واظن انه مافي تحد يناسبج قدي.......... طالعنا شوي انا وعادل وقال:مسامحه عادل بس السكرتيره موب عند الباب وانا مستعيل ومن جذي دشيت عادل: حياك الله ...تفضل ولاتاخذ على كلامها محمد : انا يعجبني الانسان الصريح وماضايقني اللي قالته عني ليلى ..بس المهم انها اهي ماتكون متضايقه. ومرة ثانيه مرر عيونه بهدوء علي وبكل وقاحه..بطريقه خلتني اقول بغضب : الظاهر ياولد عمي انك للحين شايل على علشان تزوجني هالادمي. ضحك محمد جني قايلة له نكته وطالعه عادل بغضب وقال لي وهو يفتح لي باب المكتب ......سلمي على عمي وايد طلعت وانا ماكلني القهر .......والله انك تنتقم مني ياعادل بطريقه مدروسه مايسويها حتى الخبراء بس موانا اللي بتسكت لك..نزلت الباركات اخذ سييارتي ...بصراحه انا متعودة اني ادورها مدة طويله من كثر ماتشبه باقي السيارات من جذي حطيت لها انذار علشان اعرف وينها..اوف بس اليوم الانذار مايرن...وينها هالسياره ونسيت بعد احفظ رقم البارك والله حاله ...انا شفيني الكل ضدي ......حتى سيارتي ..واخيرا لقيتها ..فتحتها بالمفتاح ماكانت بتنفتح بالريموت .....اوهوووووووووووو الظاهر اني نسيت الليتات والعه من مده والبتري مايشتغل يامالللوجع ياخذك ياعادل...حتى في هذي انت السبب ............... كنت بتصل حق كراج يشوف السياره بس في كم ريال وقفو يشوفون شصاير ويسالون اذا ابي اي خدمه ......صوته كان من بعيد ياي ..... : عسا ماشر لولو . واحد من الرياييل اللي واقفين طالعني بنظره كريهه وقال لو لو بعد......... كان محمد واقف يم السياره ..قال لي بصوت جاد تعالي اوصلج وبعدين اشوف السياره ..كنت ابي امشي من وسط هالمجموعه اللي حوالي وشلت شنطتي من السياره ورحت وراه ..اخذ مني مفاتيح السياره وقفلها وركبنا سيارته كنت ساكته ومابي اتكلم ابد وليش اكلم هالانسان الممل ...شغل السيدي على صوت فيروز ((بديت القصه باول الشتي تحت الشتي حبو بعضن وخلصت القصه باخر شتي وتحت الشتي تركو بعضن حبو بعضن تركو بعضن ....................... مادري ليش احس اني ابي ابكي ...اهو كان يطالعني على جنب وقالي : للحين ماخلص هالمدبلج اللي بينج وبين عادل ...طالعته باحتقار وسكت......ززاهو ضحك بطريقه جنه مستانس حده وقال : بصراحه مافي احلى من قصص الحب الفاشله...والله ملل دايما يتزوجون ويعيشون في تبات ونبات ويخلفو هبلان وهبلات ماطالعته وظل يكمل مع فيروز ((ياحبيبي شو نفع البكي وشو الو معنى بعد الحكي ماداله قصص صغيري وليالي سهر وغيري تخلص بي كلمه صغير ي حبو بعضن ....تركو بعضن )) محمد ماراح على طريق بيتنا......لف ودخل مجمع المطاعم اللي يم مكتب عادل ووقف السياره وفتح لي الباب وقال : اولا انا اسف .......ثانيا يسعدني اني اكلمج بهدوء مثل اثنين كبار وراشدين ولو رفضتي انا متاكد اني استحق هالعقاب وبتقبله بكل رحابة صدر ....ظل يطالعني وانا فاتحه عيوني عالاخر ومستغربه من تصرفاته (( شفيه هذا غبي ولا شكله جدي))لما انتبه اني مستغربه حط يده على ويهه وقال : انا اسف على هالكلام بس لازم تعرفينه ...........انتي اجمل وحده شفتها ومو سهل مقاومه عيونها مادري شفيه بس انا نزلت من السياره ودخلنا كوفي شوب وكنت لليلحين مستغربه بس كلامه هداني شربنا كابوتشينو وقلت له عقب فتره : انا ماقصدت اجرحك بس انت اسلوبك مستفز :انا فعلا مستفز واعتذر :ليش تبي تتقدم لي محمد وانت ماتعرفني وتعلق على لبسي وشكلي :لاني مثلج :يعني شنو مثلي :ماني لاقي احد يحكم على روحي وعقلي.. : الكل يحكم على شكلي ونظراتي......... ضحكت وقلت له : هذا مو سبب وجيه للزواج . :واسبابج للرفض بعد مو وجيهه : انا مابي اتزوج علشان المصلحه..ابي اتزوج علشان ارتاح مع انسان افهمه ويفهمني.. : وبتكررين نفس القصه الممله : يعني شلون اتزوج واحد ماحبه : اي جرحتيني :ههههههههههه......... ماهذا قصدي :عموما انا قبل لا اقول لج اللي في بالي ابيج تكونين هادئه وتفهميني صح.......((انا سمعت كل الكلام اللي قلتوه انت وعادل وبصراحه عندي قناعه ان الحل في ارتباطنا مع بعض بس لا تتعجلين وتردين الحين وفكري زين المعادله سهله جدا : انا ريال احب الجمال واقدره ...واحترم حرية المرأه وفي نظري كل انسان من حقه يقرر اسلوب حياته ...ومثلج بالضبط ناس وايد يترجمون تصرفاتي غلط...وانا بعد اشوف انج تعيشين نفس الوضع علشان جذي بعرض عليج صفقه......... طالعته بعدم اهتمام وقلت له : صفقه مرة وحده : اي ....بعرض عليج خطوبه صوريه ..........انتي تسافرين على راحتج وتفتكين من ضغط اهلج وحصارهم عليج وانا ارتاح من حنة الوالده اللي تبيني اتزوج بنت اختها وهي ياهل عمرها 16 بس لانها يتيمه ومالها احد ..وبعد اتعرف عليج من قريب ونكون صداقه بيننا : اي نوع من الصداقه يعني :والله انتي حسبيها ..شنو الصداقه اللي ممكن تكون بين اثنين مالجين واوعدج اني بتقبل اي حدود تحطينها لعلاقتنا : مادري ليش احس ان كلامك مو مقنع : انا فعلا مو مقنع بس شسوي ..احس اني ابي اقنه طفله انها تخلي سور البلكونه علشان ماتطيح وتيي بحضني طالعته بغضب وقلت له عموما انا سمعت اللي تبي تقوله ومشكور على عرضك الكريم وياريت تتفضل توصلني البيت : افا معنى جذي انج للحين عند السور ضحكت وقلت له : مو وقته خلني ارد البيت الحين :اي على الاقل عطيني امل ، ، ، ،
__________________ [flash1=http://dc11.arabsh.com/i/02010/tjaejkw8z5cw.swf]WIDTH=462 HEIGHT=211[/flash1] [align=left] http://www.formspring.me/nada1405 [/align] |
|
| |
|
08-06-2009, 09:44 AM
| #5 |
| مشرفة المحادثات والسنترال تاريخ التسجيل: Dec 2008 الدولة: في قلب الورد
المشاركات: 2,401
معدل تقييم المستوى: 10 | ، ، ، ، قالت من انت وقلت مجموعة انسان من كل ضد وضد تلقين فيني فيني نهار وليل وافراح واحزان اضحك ودمعي غاير وسط عيني رجعت البيت ..ابوي كان قاعد يقرا قران بالصاله واحس ان دموعه بتنزل ...قربت يمه وناديته بصوت ضعيف يبه طالعني بهدوء ورجع يكمل قرائته ونطرته لين خلص وصك القران وقلت له برجى يبه ...تكفى لاتزعل علي واذا على السفر مابسافر بس ارجوك لا تكرهني ....اشر لي اقرب يمه وخذني بحضنه وقال لي بصوت ضعيف انتي نور عيوني يابنتي ..احد يكره نور عيونه .....بس خوفي عليج يابنتي ماينيمني الليل وانا ريال كبير واليوم هني ومايندرى وين اكون باجر ....................بكيت بخوف وقلت له يعطيك طولة العمر يه عسى يومي قبل يوك انشالله كان يمسح على راسيي وعيونه سارحه بعيد بس مادري ليش احسه مو مرتاح وشكله يحاتيني وايد وانا ماني منتبهه وا عليه يابوي ماحد يدري شنو شايل قلبك يوم ثاني من الصبح نادتني الشغاله وقالت لي في احد يبي يقابلج تحت سالتها منهو يكون قالت ماتعرف بدلت هدومي ونزلت الصاله مالقيت احد ناديت الشغاله قالت لي انه مع بابا في المكتب دخلت المكتب كان محمد قاعد مع ابوي يشربون جاي وابوي فرحان واحسه طاير من الفرح ........مسكين ابوي هالكثر انا مسببة له هموم.....سلمت عليهم وقعدت . ابوي كان يسولف مع محمدعن الحديقه الخلفيه للبيت ويساله عن المساحة شلون ممكن استغلالها ..كان يتمنى ان سالم يرد ويبني له بيت بالمساحه الفاضيه ورا الحديقه مادري ليش احس انه ابوي خاب امله فينا انا وسالم سالت محمد عن سبب جيته ليلى : امر محمد بغيت شي . محمد : لا بس بخصوص امس ؟؟؟؟ ياربي والله مايستحي ياي جدام ابوي تكلمني عن الخطوبه الصوريه اللي عرضتها على امس!!!!! طالعته بقهر وانا مستغربه منه وقلت له :انسى الموضوع ولو سمحت انا استاذن وعندي اشغال. طالعني ببرود وقال باسلوبه اللي ينرفز : شلون انسى الموضوع ..ووين اودي السيارة اللي تبين تطيحينها بجبدي!! اوهووووووووووووووووو.......... وانا ظنيته بيكلمني عن سالفة امس و ابوي معانا ابتسمت وقلتله : ظنيت انك ماقدرت تصلحها وبتعتذر : لاعاد افا عليج ..شغلتها بسييطه :بس ابي اعرف شقد كلفت لو سمحت : عيب هالكلام ..واحنا اهل مابيننا حساب : بس :لابس ولاشي ..والحين وين بنت خالتي ابي اسلم عليها وامشي ابوي : خلك تغدى معانا يابو جاسم : لاوالله عمي مشغول وخيرها بغيرها طلعت انادي امي تسلم على محمد وخليتهم ورحت اشوف السياره قعدت اشغل السياره ولا الشريط كان لمحمد عبدو (( اغنية الفجر البعيد)) وبالذات على مقطع اسهر معي ليلة اسهر معي ليله حاول تحس بلوعتي ليله اسهر معي ليله حاول تحس بلوعتي ليله عد النجوم شكثرها ياللي في قلبي ذكرها ................... كنت بسكر المسجل علشان اعرف لمن الشريط بس محمد كان عند السياره ويأشر لي ...فتحت الدريشه فقال لي : مسامحه ليلى بس انا جيت بالسياره وماعندي احد يوصلني ...طالعته بشك وقلت له تفضل قعد على الكرسي جنة وزير ومباشره رجع شغل الشريط وظل صوت محمد عبدو يصدح ويكلم الفجر البعيدوفجأة وقفت الشريط واثارني الفضول اعرف من له لاني ما كان عندي ولا شريط لمحمد عبدووقريت الشريط كان عليه اهداء الى صديقة سأظل احميها بكل روحي..مع محبتي محمد...طالعته وانا مشككه في نواياه وقلت له :معقوله تظن فعلا اني صدقت سالفة الصداقه هذي :انا نفسي مو مصدق بس لي عطيتج كلمه ما بثنيها : شلون يعني :مو من طبعيتي اجبار اي احد على شي مايبيه :بس انت ماتشبه في شي فارس احلامي :للحين تحبين عادل حتى عقب ماقالج انسي بغضب :مو موضوعنا حب عادل او غيره ...موضوعي وياك اهو خطوبه صوريه وصداقه : بس ترى حاسبي ان صار الموضوع بتخلصين لي حتى لو كنت صديق ..مو معنى الحرية التجاوز عن الغلط ..وفي النهايه انا ريال وعندي غيرة :تتكلم وكاني قلت اي موافقه :ماقدر اجبرج على صداقتي :هذا زواج بعقد شرعي وقدام الناس انت تملك كل الحقوق علي :وانا مانكرت هالشي ....بس عطيتج درب للحريه,,والصداقه ...قبلتيه حلو...ماقبلتي بتمنى لج السعادة مع عادل :تدري ان اللي بيني وبينه انتهى : من صوبه اهو ..ادري....بس من صوبج انتي ممممممممممممم :ومن صوبي بعد ولا تحمل الموضوع اكثر من جذي خلاص :سمعيني لولو :لاتقول لولو :اوكي ليلى :قول :يمكن تكونين ليلحين تحبين عادل ..وهذا شي انا ماقدر اغيره ..انا بعد كان لي علاقات ..بس اهم شي هالتجارب تعلم ما تألم :ومن قال اني ابي واحد عنده علاقات .................طالعني وهو غضبان وقال بعدم اهتمام :تتكلمين وكأنج كنتي عذراء الربيع :احترم نفسك :اوكي ...بس ترى الكل يعرف قصتج مع عادل ..ولو كنت من النوعيه المتحجره مثل غيري كان مافكرت فيج حتى كصديقه ..بس الحمدلله اني واعي وافكر صح ومايهمني اكثر من اللي انا اقتنع فيه :خلصت :ايه : مشكور ورحم الله والديك ..بس تراني مافكر بالزواج والله يعطيك صديقه احسن مني :عموما حتى لو مافكرتي ...يسعدني اني اكون موجود في اي وقت بحياتج ولو احتجتي لشي لا تترددين :وين تبي توصل :اوهووووووووووووووووووو..ا ا اللي عندي كله قلته وانتي تساليني وين تبي توصل :يامغفل انا اسالك وين تبيني اوصلك :اها اسف فكرتج مافهمتي اللي قلته .. لا فهمت وانا شاكرة لك تصرفك : على الاقل لاتعامليني باحتقار كلما شفتيني .. : اكيد لا ..ثم انك ولد خالتي ضحك ونزل من السياره...ماحس اني بكون سعيده وياك يامحمد رحت الشركة ودخلت مكتبي ...كان المكان مقلوب فوق تحت ...شصاير من اللي مبهدل المكان .. ناديت قوبال الهندي وسالته من اللي مسوي في المكتب جذي...هز راسه وقال لي انا مايأرف بس هدا جوي فليبينو يجي هنا :رحت على مكتب جو وطلبت من السكرتيره اقابله ..طلع بسرعه لما سمع صوتي واشر لي ادخل وكان بمكتبه مجموعه كبيره من الموظفين..اشر علىة كرسي فاضي وكان اجتماع طارئ قعدت وانا مادري ليلحين شللي صاير المديروصل عقب فتره ودخل مكتب جوي وعقب كلام وايد ...مابينهم كلمونا المدير: قبل لا يتم افتتاح فرع للشركه المناصفه..لازم نحدد من اللي بيسافرون في الجوله على الخليج وماليزيا جوي: شور سيير المدير: كاتلين وعبدالله وليلى ويا جوي...وحسن وسليمان وريك بيكونو مع صوفيا ................. ظلو طول الوقت يوزعون الادوار وانا بعالم غير واستمر الاجتماع طول الظهر وخبروني اني اذا مارحت لازم اعطي مكتبي لحسن علشان يناسب مسؤلياته الجديده (كأنهم يقولون لي ان مستقبلي الوظيفي متعلق بقولي السفر اولا )) بس انا ماقدر اكسر قلب ابوي ...ياربي شاسوي . رجعت البيت وانا متضايقه باجر بنتقل لمكتب غير وبيصير مسؤلي اقل مني ووووووووووووووووو كان عادل موجود بالبيت وابوي وياه ناطريني اوصل ....سلمت عليهم وكنت بصعد غرفتي لكن ابوي ناداني ابوي : هايابنتي شلون شغلج ... :عادي يبه .ززين عادل :شنو قررتي ليلى بخصوص محمد. طالعته بضيق وقلت له : ما ابيه ........مادري صج ولا يتراوالي بس احس عيونه تلمع وكانه متوقع النتيجه ابوي : ليش يابنتي ..الريال سمعته زينه ومستواه محترم وكلمن يتمنى يناسبه : بس يبه انا مابي اتزوجه وخلاص عادل : ممكن اعرف اسبابج : مابيه وانتهى الموضوع عادل :انتي مو صغيره : وانت بعد مانت صغير..والشعر الابيض ابتدى ياكل في شعرك..ليش ماتتزوج :زواجي شي يخصني ..بس زواجج يخص كل اللي يعزونج : مابي اتزوج ابوي : ماعليه ياليلى ..لا تتزوجين بس فنشي من هالشركة الزفت اللي تشتغلين فيها : ليش يبه ..مو كافي اني ماسافر ..بعد افنش :اذا مابتفنشين تتزوجين ويصير امرج بيد ريال يستر عليج ..ليمتى يابنتي بظل احاتي كلما قال لي احد انه شافج مع اجانب بمطعم ولا مجمع : هذا شغل تفهمون يعني شنو شغل ..شي يبني مستقبلي ..ويغير حياتي اتطور فيه بسرعه : اذا على الشغل تعالي اشتغلي عندي بالشركة ولج نفس الراتب وازود : كم مره قلت لك لا تحط فلوسك بالويه ..مو انا اللي تشتريني بفلوسك ياعادل : انا مادري على شنو الدنيا غارتج ..ومفكره انه سيدج قيدج : ماحد له شغل فيني فاهم انا بشتغل مكان ما ابي .. وبسافر بعد واللي مو عاجبه لا يعتب بيتنا مره ثانيه سمعت. ابوي : منو اللي مايعتب بيتنا يابنت الكلب وشوي ولا ايدين ابوي تشتغل على ويهي وجسمي..ورفسات علي من كل صوب وعادل يحب على راس ابوي ويترجاه ..كل اللي حسيت فيه اني انزف واني رحت بعالم ثاني ......... غير عن هالعالم كنت اطلع من حلم وادخل بثاني شفت عادل يحضني ويباعد ايد ابوي عني ..كان يبكي ويترجى ابوي انه يخليني ..سمعته يقول لابوي انه بيتزوجني وبياخذني بعيد..اي عادل خذني حبيبي مابي هالعيشه مابي احس اني منبوذه .....والله تعبت عادل.....وشفت ابوي جنه حامل سكين ويبي يذبحني وبدل ماتصيبني صابت عادل بقلبه ...لا حرام لا تذبح حبيبي كنت اصرخ وبقوه ..........ارحموني يبه خلوني ارتاح ...... بس مابي اشتغل ....بتزوج محمد خلاص ....لا انا ماحبه ....... زوجني عادل يبه وقول له يسامحني ......شفت عادل يطالعني باشمئزاز وقال لي انتي مثل عمج مالج امان ومردج بتخليني وبتشردين مثل اول مره وانا ماعدت ابيج ...........لا حرام انا كنت مشوشه وماحسيت بقيمتك ,,,,,,,,,,وووووووووووووووووووو ووووووغبت بدوامه بعيده ............................ صحيت من نومي وانا بالمستشفى مادري شنهو التاريخ اليوم بس اللي اعرفه انه الدنيا ليل ماكان في احد بالغرفه ضربت الجرس ويات الممرضه الممرضه : ثانكس قود يو ويك اب : واتس ذي داي توداي الممرضه :اتس يور ثيرد داي هير...... :وير از ماي موبايل :اي ويل برينغ ناوووووووو.هاف اريست اند دونت ووري طلعت الممرضه وراحت يابت لي اكل ووباقة ورد عليها بطاقه صغيره ..كنت دايخه بس حبيت اعرفف منو اللي ذكرني وياب لي الورد ..قريت الاهداء (( الى صديقتي في غيبوبتها حمد الله عالسلامه ...صديق )) ...هذا اكيد محمد بس شدراه اني في غيبوبه وهل فعلا انا كنت في غيبوبه دقيت مباشره عليه وكلمته .....مادري ليش كنت ابي فعلا اكلم صديق مو اي شي ثاني ليلى : شلونك محمد ...........(( الصوت كان من مكان صاخب وضحك وصراخ )) محمد: صدق والله هذا انتي ..!!!!.......حمدالله عالسلامه ..سكري التلفون انا ياي الحين : وين تيي الساعه 11 بالليل ..بس شلون عرفت اني بالمستشفى وبغيبوبه بعد ..انا نفسي ماكنت ادري :انا زرتج اليوم العصر وماكنتي هني :شلون يعني ماكنت هني : كنتي تتكلمين من مكان بعيد : اتكلم شاقول : الله الستار : شقصدك ضحك بوناسه وقال : الحين يوم زعلتي تطمنت انج بخير ارتاحي الحين وانا باجر الصبح عندج ماتبين شي : ابي قهوه ثقيله من الكوفي شوب اللي وديتني له هذيك المره : بس..........انت تامرين يالغلا تصبحين علي :لا عاد مو من الصبح كلش : اوكي خلاص بطرش لج الكوفي مع اي احد وانا خلني بعيد : تعرف عاد انا راسي يعورني ..وانت مايناسب تتغلى :اااي جرحتيني ..عموما تصبحين على ورد : وانت من اهله ونمت .........احس اني فعلا محتاجه للنوم ومابي اشوف اي احد وبالذات عادل وابوي اللي صار الطق عنده سهل ابي اخلي هالدنيا كلها واعيش دنيتي بعيد عنهم كلهم ...مافي الا حل واحد ...محمد ، ، ، ، ،
__________________ [flash1=http://dc11.arabsh.com/i/02010/tjaejkw8z5cw.swf]WIDTH=462 HEIGHT=211[/flash1] [align=left] http://www.formspring.me/nada1405 [/align] |
|
| |
|
08-06-2009, 09:45 AM
| #6 |
| مشرفة المحادثات والسنترال تاريخ التسجيل: Dec 2008 الدولة: في قلب الورد
المشاركات: 2,401
معدل تقييم المستوى: 10 | ، ، ، ، صحيت الصبح وكانت الممرضه تسجل البيانات في ملفي سالتني عن احوالي وظلت تقيس الضغط والحراره وومادري شنو كنت حاسه بملل شديد وبالم في قلبي من كل اللي صار ..امي كانت اول الزوار وبعد شوي جات سلمى ودلال ظلينا نسولف ونضحك............. دلال: يعني لازم تصيرين بالمستشفى علشان نشوفج.. ليلى: انتو بعد ماقمتو تجونا سلمى: وانتي بعد حياتي دايما بيزي .. ليلى : خلاص بتفرغ لكم هاليومين.. دلال: طالع هذي تتكلم وكأنها تقدر تغير الوضع ...ياحياتي انتي متفرغة جاهزه وموب على كيفج .. سلمى : دلال عاد لاتصيرين ملقوفه ..خلي لولو تصدق روحها شوي ليلى : عن البياخه انتو الثنتين .. امي : الله يحفظكم انشالله ياذا البنات دلال : اعملو حسابكم ان غداكم لما تطلع لولو في البيت امي : مافي داعي للكلافه يمه ليلى: وليش ماتجونا انتو وتتغدون معانا .. دلال وسلمى : جاااااااااااان زييييييييييين....بس يوافق عادل وناخذ معانا عبود ..مسكين دايما لاهي ويا التلفزيون وماحد يفكر يطلعه (عبدالله هذا ولد عمي الصغير ...عمره 15 واكثر واحد تاثر بغياب عمي لانه كان طفل ومتعلق بابوه وايد) بعد شوي دق الباب محمد واستاذن يبي يسلم علي وامي كانت يالسه وتراقب بتركيز ...كان معاه ورد وكوب اكسبريس للقهوه وقعد مريح يسولف عادي ولاهو مهتم انه في الحجره بنات لدرجة انه سلمى ودلال حسيتهم انحرجو وشوي كانو بيمشون بس امي كانت قاعده ومافي بالها تخليني معاه بروحنا .........والله ان امي تضحك ...ظليت سنتين بروحي في ديرة مايعلم عنها الا ربي والحين تعاملوني جني بنت مطوع..................... محمد فهم نظرات الوالده وقال لي انه ماشي وسال بنت خالته اذا تبي يوصلها فقالت له ايه وطلع معاها الدكتور جا عقب فتره واطمئن على كل شي بس قال للمرضه تطلع وقعد معاي بروحنا (((اوهوووووو شيبي هذا بعد ))) سالني عن الضرب الللي في جسمي والاثار ووووو.................زكنت متضضايقه من اسلوبه ورديت عليه باالانجليزي (( اي ديد ذات تو مي بيكوز ام اسايكو )) طالعني وهو مو مصدق وقال لي : مبين انج مثقفه وواعيه واتمنى تكونين ناضجه وتساعدينا لانه هالشي فيه مصلحتج : انا فعلا واعيه وهذا اللي صار ...بس دكتور ممكن سؤال ...حسيت اني عطيته امل انه يسمع الحقيقه ..فقال لي بحماس: اكيد ...فقلت ببرود : متى بطلع من المستشفى ..طالعني بعدم اهتمام وقال ...الممرضات بيخبرونج طلع الدكتور ومباشرة يات الممرض هووقعتني على اوراق عن اني انا المسؤله عن اللي صار ..وخبرتني اني اقدر اطلع كنت اسال نفسيي ليش عادل وابوي مازاروني بالمستشفى والحين اتصل لمن يجي ياخذني ..اتصلت على البيت وكلمت امي وقلت لها اني بطلع من المستشفى ..احسها كانت متضايقه وقالت انها بتجيني بعد شوي ؟؟؟؟؟؟؟؟؟ امي يات مع سلمى وظلو يلمون اغراضي وانا كنت ابدل هدومي وشوي ولا صوت عادل بره كان يستاذن يبي يدخل قعدت عالكراسي مريحه وماكنت مهتمه بوجوده وهو كان يسلم على امي وبعدها التفت لي وسلم : شخبار ليلى ..حمدالله عالسلامه ؟:تسلم :انا سمعت انك بتتطلعين فقلت اجي اخدكم عالبيت : مافي داعي بنروح مع سولي : لا ليلى بتروحين معاي انتي ومرت عمي :بغضب ...نعم ؟؟ امي ..ماعليه وانا امك انطر بره شوي واحنا الحين جاايينك : يمه ليش تسوين جذي سلمى بخوف: يلاعاد انا من رخصتكم ...: : سلمى لا تروحين انا جايه معاج سلمى : مستحيل حياتي ...انا ماقدر اخالف شور عادل ولا تبينه يذبحني .. لميت اغراضي بغضب ورحنا ركبنا السياره ...عادل ما خذانا على البيت لف وراح مستشفى التخصصي قسم العنايه المركزه ...مادري ليش قلبي كان مقبوض واحس انس بمووووت دخانا الغرفه مافيها احد ..عادل سال عن المريض ...ياربي المريض ااااااااابوي كنت ابكي وانا اسمع الممرض يخبر عادل عن حالة ابوي ووضعه الخطير كله مني ....انا السبب ,,,,,,,,,,,وابوي نقلوه العنايه الخاصه واحنا ظلينا ناطرين عادل طالعني بهدوء وقال: اسف ليلى بس اهو كان يبي يشوفج اول ماتقدرين : انا بعد ابي اشوفه بس شلون صار جذي : بعد ماخذناج المستشفى مباشره عمي طاح علينا وكان قلبه تقريبا متوقف لولا ستر الله جان : لا لاتقول بعيد الشر الله يحفظه انشالله : الله يسمع منج الدكتور سمح لنا نشوفه واحد واحد وممنوع الازعاج ودخلت انا اول ...كان نايم وويهه ابيض من التعب والمكان مليان اسلاك وشغلات واجهزه قعدت يم راسه وظليت ابكي واحب على ايده واترجاه يسامحني ابوي ماكان نايم بس كان مغمض عيونه حط يده الثانيه على راسي وظل يطالعني ويقولي شقد يحبني ويخاف علي ابوي: سامحيني يابنتي ..كنت خايف عليج :انت اللي سامحني يبه انا ماستاهل محبتك :اوعديني ليلى : بشنو يبه : لو صار لي شي ..ماتخالفين شور ولد عمج ابد :لاتقول جدي يبه ...عسى عمرك طويل :انا ابي اطمن عليج قبل لا الله ياخذ امانته وهالوعد بيريحني : اللي تبيه بيصير يبه بس لاتقول جذي : خلاص عيل نادي لي عادل رحت بسرعه انادي عادل ودموعي ماتوقف ...دخل عادل عند ابوي وحب على راسه وانا طلعت ابكي بحضن امي امي عقب شوي دخلت عند ابوي وماطولت رديت البيت وانا حالتي تعبانه ................الله يشافيك يابوي .................................................. .......... .................................................. . عقب يومين صارت حالة ابوي احسن بس ريله صارت ثقيله وصعب عليه انه يحركهاوسمحو له بالخروج عقب فتره البيت صار هادي ومافيه نجره ولا كلام وانا اخذت اجازه من شغلي على ماتهدا الاوضاع بس مادري ليش كل ماتنازلت عن شي ..صارو اللي حوالي يبوني اتنازل اكثر ...ابوي مره يقول خففي طلعاتج ومره يقول لا تلبسين جذيى وكل مره احسه يضيق علي اكثر رحت بيت عمي وقعدت مع البنات وكنت حدي متضايقه بس خوفي على ابوي مخليني ابلع واسكت دلال : لولو شفيج.؟؟؟ ليلى : مافيني شي دلال : بس مانتي طبيعيه وشكلج متكدره : تعبانه شوي بس سلمى : خلونا نطلع السوق نغير جو : بس انا ماقلت لامي وابوي : ليش من متى تاخذين اذن لروحة السوق : من مرض ابوي وهو يصر يعرف وين اروح ومتى برجع ومع ممن دلال : ياربي ........ عمي صار تفكيره اخس من عادل :مو هذا اللي يبيه اخوج ...اني اظل تحت رحمته واتعاقب على اللي سويته سلمى : لولو لاتقولين جذي ..اساسا حتى لوكان عادل متأثر من اللي صار ..موهذا طبعه ولا اخلاقه :اها صحيح ...علشان جذي يحرض ابوي ضدي دلال : ممكن تغيرون الموضوع سلمى : عادل طول عمره يخاف عليج ويعزج : غريبه ..ماكانت هذي فكرتج عنه قبل لا اسافر : كنت طايشه وكبرت بس في ناس موب راضيه تكبر ابد : مشكوره ...يلا انا من رخصتكم مادري ليش الدنيا صايره غير ماتوقعت ....ياربي سامحني ..بس انا مابي اظل طول عمري محبوسه ورهن اشارة ريال يامرني ويتحكم فيني حتى لو كان ابوي .ابي اعيش اسافر اتحرر ومابي يكون لحد دخل بحريتي ومايهمني كلام الناس بعد ابي يكون لي حياة ارسمها بنفسي وحتى الحب مايوقف في طريق رغباتي ((( مادري ليش دايما يكون محمد هو الاجابه ...حتى لو ماكنت احبه )) ، ، ، ،
__________________ [flash1=http://dc11.arabsh.com/i/02010/tjaejkw8z5cw.swf]WIDTH=462 HEIGHT=211[/flash1] [align=left] http://www.formspring.me/nada1405 [/align] |
|
| |
|
08-06-2009, 09:47 AM
| #7 |
| مشرفة المحادثات والسنترال تاريخ التسجيل: Dec 2008 الدولة: في قلب الورد
المشاركات: 2,401
معدل تقييم المستوى: 10 | ، ، ، ، ماذا يعني ان نحب ؟................ الايقترن الحب بحاجة المرء ؟................... الا نعشق الاشياء تبعا لمطالبنا ؟ ........ اذا كان الحب كما اظن ......فلما يعشق بعض الناس معذبيهم ؟ جاءت معذبتي في غيهب الغسق كأنها الشفق الوردي في الافق فقلت نورتني ياخير زائرة اما خشيت من الحراس في الطرق فجاوبتني ودمع العين يسبقها من يركب البحر لا يخشى من الغرق كم اعشق فيروز ...اعشق الطيران مع الحان اغانيها بعيدا عن هذا العالم ......اريد فعلا ان اتحول الى طيارة ورق ..او ان اصبح درجا للياسمين .... او ان تبدا قصة حبي وتنتهي بكلمة صغيرة ........ما اجمل ماتصنعين يافيروز بقلوب المسجونين بعد كل تنازلاتي ومحاولاتي المستميته لكي اصبح عند ظن ابوي ...هاهو يعود من جديد بطلب استقالتي وعملي عن عادل في مكتبه ..يا بوي انا ابي شي اسويه.. اطوره ...اصنعه مو يصنعني ........ بس طلبات ابوي صارت اوامر لان وضعه مايسمح بكثرة الجدال بس هذا مو حل ....باجر استقيل ويطلب مني اتزوج بس علشان يرتاح من همي ....مادري شنو بالتحديد همي اذا كنت اشتغل ومعتمده على نفسي ومحترمة وضعي كبنت عايله محترمه ومادري ليش اشم ريحة عادل في كل طلبات ابوي ولما لمحت لامي بهالشي زعلت وقالت اني متحامله وايد عليه ...اوكي عادي الكل معاه وانا بس السيئه فيهم لذلك وبصفتنا مصدر السوء في العايله قررنا انا نزيل الهم عنهم ونريحهم منا ...قررت اتزوج محمد ...زواج صوري لين ما اوصل لقدر من الحريه اللي انا ابيها بس هالمسالة محتاجة تفكير شنو لازم تكون شروطي علشان اضمن لنفسي حرية على نطاق واسع وفي النهاية قررت اتصلت لمحمد وكلمته بالموضوع ...كان في غاية السعادة واللطف وطلب مني نتقابل علشان نتفاهم و فعلا قابلته محمد : هلا والله ليلى : هلابيك :من زمان ماشفنا هالطلة ليلى :شخبارك : انا يوم كلمتيني صرت زين : اللي يسمعك يقول تحب :ومن قال لا طالعته باستغراب فضحك وقال لي : لازم تفهمين اني مو معقوله بقدم على خطوة مثل هذي بدون ماكون احب فعلا ...بس انا مشكلة قلبي انه خفيف وقد مايحب بسرعه ...يمل بسرعه ليلى : يعني ممكن تنفصل عني قبل لا اقرر : مادري ...الانفصال اللي يخصني يكون بقلبي واحساسي .. انفصال الورق هذا بخليه لج تتفاهمين عليه ليلى : انا موافقه على هالخطبة بس لي شروط : انا بعد موافق بس لي شروط : اوهوووووووووووووووو : الاول بسمعج وبعدين تسمعيني :انا ابي تسمح لي اني اظل بشغلي .. :صار : في شغلي بتكون اجتماعات مع وفود وعزايم وطلعات وووو : بتكونين بروحج في غرفة مع واحد :شهالكلام هذا ...طبعا لا ...طلعاتنا دايما في مطاعم ومجمعات وماكون فيها بروحي ..لازم يمثل الشركه ثلاثة اعضاء لاستقبال اي فرد له علاقات مع الشركة : وليش ثلاثة :واحد يقوم بعملية الاستقبال والتضييف والثاني يسجل كل ملابسات الزيارة في نوتات ...والثالث يقوم بمعالجة اي ظروف طارئة مثل الحوادث او تغطية مكان شخص مايقدر يوصل في الوقت المناسب ... : حلو وبجذي مافي مجال الواحد يشكك في اخلاق احد منكم : قول هالكلام لابوي :وبعد شنو شروطج : ابي اسافر واتطور بشغلي بدون عوائق. : وشنو هالعوائق :مادري ...يعني مابي يكون سفري خاضع لمزاج احد ...مره سافري ومرة لاتسافرين : في هذي يمكن نختلف ...سفرج بيحدده اني اقدر اخذ اجازة واجي اسافر معاج : نعم نعم ........كنت بقوم وبترك المكان له دليل على رفضي لقراره ..لكنه مسك ايدي وبسرعه قعدني وقال لي بابتسامة مصطنعه :قعدي وبلا فضايح وسمعيني ..........انتي الحين لو قررتي ترفضين حرة ..بس صدقيني خسارتج بتكون كبيرة ....ولا منو يرضى بهالاوامر اللي شرطتيها غيري ..ثم حطي في بالج انه مافي احد عاقل ولا مجنون يخلي وحده بجمالج تسافر برروحها الا اذا كانت في نظره ؟؟؟؟؟؟؟؟؟؟؟؟ :شنو قول عادي لاتهتم بمشاعري : الا اذا كانت في نظره رخيصه ومنحطه : انت قليل ادب ... : علشان جذي قبلتي عرضي؟؟؟ : انا ماشيه : مو قبل لاتسمعين شروطي :انا ماقلت موافقه علشان اسمع شروطك : انا وانتي ندري انج موافقه لولو ...مو علشان قلبي الولهان طبعا ...بس لان هذا فرصتج تحققين اللي في بالج : وشنو شرطك : ابيج ماتفكرين تخونيني : اخون من ..وانت خطيبي بالاسم بس : في هالنوع من العلاقات ماتقدرين تمنعين بعض المشاعر انها تصير : شقصدك :عادل :انسى خلاص : وانا : انت شنو بعد :يعني لازم في بعض اللحظات بحتاج انج تكونين كلوز معاي ...خو انا مو طوف ولاني راهب ..انا انسان عادي ماحب اني اظهر بمظهر الشخص اللي مايهتم وهو قلبه ينبض احب لما انفعل انج تكونين قريبه مني وتتفاعلين معاي : بس هذي مابتكون صوريه : انا مابي افرض عليج شي : بس انا ماحبك محمد : الحب ماله دخل بالموضوع ...السالفه ومافيها ان شخصين انجذبو لبعض كم دقيقه وانتهى : اناصج مينونه لاني فكرت في الموضوع :وبتكونين اين لو رفضتي : اسمعني محمد انا ابي علاقه صداقة بريئه ومافيها شروط :وانا بعد :بس : انتي اللي بتحددين لي متى اقرب او ابعد..واوعدج اني بقبل :دام جذي عيل ....... :موافقه :ايي :وانا اوعدج اني بكون عند حسن ظنج خلصت اتفاقي مع محمد وعقب اسبوع صار الاتفاق على تحديد كل شي ..الملجه والحفله والمهر وال......... اللي اعرفه ان ام محمد مو راضيه على خطوبتنا وتبي ولدها ياخذ بنت اختها المتوفيه واللي خلاها ابوها عندها وراح تزوج وصارت بدون سند في هالدنيا ...بس هذا مو شغلي شغل ولدها انه يقنعها باللي يبيه كل شي كان مثل الحلم ومحمد رغم الشرط اللي بيننا ماحب يبين قصور .... وعطاني فوق المهر وقرر ان حفلتنا تكون باغلى الفنادق وحتى الفستان ماحب اخذه الا من افخم المحلات ....بصراحه الكرم له دور كبير في اضعاف نفسية اي مره حتى لو كانت بنت عز وليلة الحفله كنت جهزت وانطر محمد يجي علشان نطلع الصاله مع بعض بس هو تاخر ياربي هذا لا يكون كشت فيني ......................ظليت اتصل له وايد وكل مرة يسكر وزاد رعبي من فكرة الحوبه وانه يسوي فيني مثل ماسويت انا في عادل ..........................................السا عات تمر وهو ماوصل واخرتها قررت اني اشرد انا بعد قبل لاشوف الشماته في عيون الناس علي وحطيت الشال المغربي على شعري وطلعت من الغرفة المخصصه للعرسان علشان انزل الباركات وفي الممر........................................ ..... ... كان عادل ومحمد يسولفون عادل: ليش ماخبرتنا عن علاقاتك المريبه : اي علاقات عادل انا ماعندي هالسوالف : والمره الكولمبيه اللي تقول انك تزوجتها : هذا كان ماضي وطيش وانتهى : لو اطلع اخبر عمي عن سوالفك اكيد بيكنسل العرس : وش مصلحتك يكنسل :انا مابي لبنت عمي هالمصير : انت ماتبي لبنت عمك اي شي من عقب ماخلتك :لا يالخسيس تظن اني مثلك وشراتك : انا ماظن هذا اللي اشوفه : تخسى وشوي ومسكو بعضهم وعادل يسب ويلعن في محمد وانا محتارة ومقهورة مو من محمد الا من عادل .....مادري ليش احسه يبي ينغص علي حياتي باي طريقه .......خصوصا وان زواجي من محمد ماله علاقه بالحب والزواج ومو مشكلتي انه يحب او يبي يتزوج ...المهم انه كارت اخضر لتغيير حياتي ناديت بصوت مسموع على محمد وسويت روحي توني طالعه من الغرفه ومجرد ماسمعو صوتي تركو بعضهم وكل واحد عيونه على الثاني شرار..............كلمت محمد بدلال وقلت له حبيبي يلا المعازيم ناطرين وسويت روحي مانتبهت لعادل بالمره وشفت شقد كان بيحترق قهر من اسلوبي ومسكت ايد محمد وسرينا ............................الكل كان ناطر هالفلتانه اللي محد قادر يردها شلون بتكون ليلة فرحها وانا ماخيبت ظن احد ...كانت حفلة خطوبتي شي من الخيال ......الصاله صممها مصمم كوري وكل دزايناتها ستايل القرون الوسطى وفستاني من ايلي صعب وكان ينطق على خصري وووووووووو العيون كانت بتاكلني ... داخلي احساس مو طبيعي بالغرور لما قلت لمحمد هالكلام باذنه قال لي بكل ثقه (( اي وحده بجمالج من حقها تكون مغروره )) ...مادري ليش رغم كل شي احس اني امثل دور الشريره بفلم ، ، ، ، تــــــــــــــــــــتبــ ـــــــــــــــــــــــعـ ـ اذا عجبيتكم راح نكمل الجزء التاني
__________________ [flash1=http://dc11.arabsh.com/i/02010/tjaejkw8z5cw.swf]WIDTH=462 HEIGHT=211[/flash1] [align=left] http://www.formspring.me/nada1405 [/align] |
|
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
العرض العادي
