قوانين المنتدى

التسجيل في حجازي مجاني! ونبغاك تلتزم بالقوانين اللي تحت ولو قريتها ووافقت عليها اضغط على 'اوافق' واضغط على زر 'التسجل' تحت . لو تبغا تلغي التسجيل مع انو ما ننصحك ، اضغط هنا العودة إلى صفحة المنتدى الرئيسية.

تعــال تعـــال هنـــا ,, تبغاا تسجــل في المنتــدى هااا ..؟

هيا بعـد ازنك أقرا الشروط والقوانين دي ,, عشان اللي اولو شرط آخرو مهلبية [ اقصد نور ]

قوانيـن وشروط منتديات حجازي

اول حاجه يامرحبا نورك طفا الكهربا , نورتونا وشرفتونا واتفضلوا سجلوا بعد ما تقروا الشروط دي , لانها مهمة ياحلوين ,,,,

طبعا التسجيل في المنتدى ببلاش ما بناخد عليه فلوس بس اللي نبغاه منكم انكم تلتزموا بقوانينا واللي هيا تعكس عاداتنا وتقاليدنا الحجازية ,,,,

الاداريين والمشرفيين اللي في حجازي موجودين دايما لخدمتكم وحبوبين ترى وطيوبين , بس لازم نقدرهم ونحترمهم ولمن ياخدو قرار نروح نكلمهم ونتناقش معاهم في الخاص او في قسم الشكاوي والاقتراحات , لانو احنا بنحارب التشهير وتكبير الامور عن مستواها الطبيعي ودا الشي بيزعلنا من بعض الاوادم ,,,

واحنا هنا في صرحنا الكبير حجازي مانقدر رغم كل متابعتنا , اننا نكون مطلعين اطلاع سريع ودائم على كل المشاركات والردود , لانو ماشاء الله تبارك الله   ,,, المنتدى كبير واعضاءو كتير ,, على كدا الادارة ما تتحمل اي غلط من اي كاتب موضوع او رد , وما تتنسب لإدارة حجازي , [ كل مين زنبو على جنبو ] , بس حناخد اجراءات قاسية اكترررر شي

عنصر اللقافة دا شي مرة مهم انو نبعد عنو , يعني محد له صلاح في شؤون الاعضاء وخصوصياتهم ونحاول ما نسيء لاحد , لاننا بنعكس تربيتنا وأخلاقنا الدينية والاجتماعية , ونبغا نوصل للجميع ,. الاخلاق الحجازية الاصيلة اللي ربونا عليها آبائنا واجدادنا

مانسمح بالترقيم والتعارف والكلام الغزلي وشغل التلاتة ورق دا ولو في اي شكوى من اي عضو او عضوة بخصوص ازعاجات في الرسايل الخاصة ح نضطر نفتح الرسايل ونشوف [ للمصداقية ] وعليها تقرر الادارة العقوبة ’

لو عندك اي مشكلة مهما كانت شخصية او عامة ,, لا تتردد في انك تكلم الاداريين , وعندك الشكاوي والاقتراحات ان شاء الله تبـات فيـه محد ح يقولك حاجة ,,

وفي الاخير يا ضيفنـا وانتا على ابواب الانتساب لنا ,, اهلا وسهلا بيك في حجازي

تذكر قول الباري عز وجل : مايلفظ من قول الا لديه رقيب عتيد , صدق الله العظيم

لمن تضغط على موافق تحت , يعني انتا وافقت على الشروط والقوانين حقت منتدى حجازي ,, مرحبابكم